PANAMA | FESTOHET 123-VJETORI I KRIJIMIT TË REPUBLIKËS.

Qyteti i Panamasë, Panama | Pas tërmetit të 9 tetorit që shkaktoi tre vdekje dhe mijëra të zhvendosur, Panamaja përkujton 123-vjetorin e saj si republikë.

Në pjesën më të madhe të vendit, veçanërisht në provincat qendrore, paradat tradicionale qytetare u pezulluan për shkak të tragjedisë dhe në pallatin presidencial u mbajtën vetëm ceremoni formale, siç është ceremonia e ngritjes së flamurit.

Sipas Departamentit të Mbrojtjes Civile, 4181 shtëpi u shkatërruan plotësisht në zonat më të goditura, së bashku me qindra shkolla dhe qendra shëndetësore të papërdorshme.

Aktualisht janë 4478 veta të strehuar në strehimore; 27 veta janë konfirmuar të plagosur.

Pavarësisht katastrofës, festimet historike në kryeqytet u zhvilluan në një klimë normaliteti të pjesshëm.

Sfidat e vështira që lidhen me rindërtimin në vazhdim e bëjnë përvjetorin e këtij viti një mundësi për të bërë thirrje për unitetin e vendit.

“123 vitet e Republikës, me arritjet dhe sfidat e tyre, përfaqësojnë një udhëtim që duhet të ripërtërijë vullnetin për të vazhduar punën për madhështinë e Panamasë, në njohje të atyre që kanë kontribuar në zhvillimin e saj”.

Kështu tha drejtoresha e Institutit të Kërkimeve Historike në Universitetin Kombëtar, Billma Çiriboga (Vilma Chiriboga).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit