PANAMA | 15 MIJË TË PREKUR NGA PËRMBYTJET.

Qyteti i Panamasë, Panama | Shirat e ditëve të fundit kanë shkaktuar përmbytje serioze në Panama, veçanërisht në rajonin Ngabe-Bugle (Ngäbe-Buglé), Bokas (Bocas) del Toro dhe Veraguas.

Sipas Agjencisë së Mbrojtjes Civile, lumenjtë e tejmbushur me ujë prekën gati tre mijë familje, për një total prej afërsisht pesëmbëdhjetë mijë njerëzish.

Autoritetet konfirmuan vdekjen e një djali gjashtëmbëdhjetë vjeçar, të rrëmbyer nga një përmbytje e menjëhershme në distriktin Kankintu (Kankintú).

Dëmi në zonë është i gjerë.

Ujërat e përmbytjes shkatërruan të mbjellat, bagëtinë, ujësjellësit dhe urat e varura, duke izoluar disa zona.

Në Çukara (Chucará), uji përmbyti qendrën lokale shëndetësore, duke shkaktuar një humbje të plotë të furnizimeve mjekësore.

Edhe pse banesat tradicionale të ngritura mbi tokë kanë shembje të kufizuar strukturore, siguria ushqimore e banorëve është kompromentuar rëndë.

Për të mbrojtur popullsinë, autoritetet kanë urdhëruar mbylljen parandaluese të shkollave në rajonet më në rrezik.

Ndërkohë, agjencitë shtetërore po vazhdojnë operacionet e ndihmës humanitare për të restauruar rrugët dhe për të siguruar furnizime thelbësore për komunitetet e izoluara.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit