PAKISTAN | ZJARRI NË NJË REPART GJINEKOLOGJIK DOGJI 14 TË PORSALINDUR.

Islamabad, Pakistan | “Katërmbëdhjetë të porsalindur vdiqën pas një zjarri që shpërtheu sot në repartin e gjinekologjisë të Institutit të Shkencave Mjekësore të Pakistanit (PIMS) në Islamabad”.

Kështu raportoi enti mediatik “Times of India” dhe ente të tjera të tjera vendore.

Sipas zyrtarëve të PIMS, në repart ndodheshin 15 të porsalindur në kohën e zjarrit dhe vetëm një u shpëtua.

Zjarri me sa duket filloi kur një kompresor kondicioneri shpërtheu brenda repartit.

Ekipet e shpëtimit thonë se kanë shpëtuar të paktën 19 persona nga spitali. dhjetë gra, shtatë fëmijë dhe dy burra.

Ekipet e shpëtimit thanë se zjarri në spital është tani nën kontroll dhe se të plagosurit janë transferuar në kujdes intensive.

Autoritetet pakistaneze kanë ngritur një komision hetimor, të cilit i është kërkuar të paraqesë një raport brenda 24 orëve për të përcaktuar faktet dhe për të përcaktuar shkakun e zjarrit.

Kryeministri pakistanez Shehbaz Sharif ka urdhëruar një hetim të menjëhershëm.

Administrata e qytetit të Islamabadit thotë se gjashtë zjarrfikëse dhe katër ambulanca morën pjesë në operacionin e shpëtimit.

Një zyrtar i lartë tha se tragjedia ndodhi para orës 7 të mëngjesit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit