PAKISTAN | NJË AEROPLAN BOEING 737 ME 5 PASAGJERË U ZHDUK NGA RADARI.

Islamabad, Pakistan | Një operacion kërkim-shpëtimi është duke u zhvilluar pasi një aeroplan mallrash Boeing 737 me pesë veta u zhduk nga radari mbi Pakistan.

Aeroplani u zhduk nga radari të martën në mbrëmje, në perëndim të Karaçit, kryeqytetit të provincës Sindh.

Aeroplani i K2 Airways po fluturonte nga Karaçi për në Sharjah kur afërsisht në orën 21:18 sipas orës vendore (19:18 sipas orës shqiptare), raportoi një problem me sistemin e tij të navigimit dhe iu dha udhëzimi të shkonte në Qendrën e Kontrollit të Zonës së Karaçit.

Qendra e koordinimit të shpëtimit, shërbimi kryesor përgjegjës për organizimin efektiv të operacioneve të kërkim-shpëtimit, u aktivizua.

Operacioni i koordinuar filloi në zonën detare me pjesëmarrjen e shërbimeve të ndryshme, me qëllim gjetjen e avionit dhe pasagjerëve të zhdukur.

Shkaku i incidentit nuk është njoftuar ende. Një hetim për zhdukjen e avionit është duke u zhvilluar.

Në vitet e fundit, Boeing-u është përballur me disa aksidente ajrore, të cilat kanë ngritur pikëpyetje në lidhje me sigurinë dhe besueshmërinë e avionëve.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit