ORBANI SFIDON BASHKIMIN EUROPIAN.

Orbani sfidon BE-në, nënshkruan kontrata energjetike me Moskën. Ministri i Jashtëm hungarez Peter Szijjártó fluturoi sot për në Moskë për të takuar zëvendëskryeministrin rus Alexander Novak, përgjegjës për çështjet e energjisë, dhe CEO-n e Rosatom-it Alexey Likhachev, për të diskutuar bashkëpunimin energjetik midis Hungarisë dhe Rusisë. Këtë e bën të ditur ministri përmes rrjeteve sociale. "Siguria e furnizimit me energji të Hungarisë kërkon transport të pandërprerë të gazit, naftës dhe karburantit bërthamor. Për të përmbushur këto tre kushte, bashkëpunimi energjetik hungarez-rus duhet të jetë i pandërprerë", shkroi Szijjártó. Novak dhe Likhachev janë të dy subjekt i sanksioneve nga Ukraina dhe disa nga aleatët e saj, por jo nga Bashkimi Europian. Bashkimi Europian ka lobuar prej muajsh që Brukseli të vendosë sanksione ndaj gjigantit energjetik rus, siç është kërkuar në disa raste nga Kievi. Megjithatë, Budapesti ka planifikuar një rinovim të termocentralit të tij bërthamor Paks me Rosatom-in, i cili deri më tani ka mbetur i përjashtuar nga sanksionet e BE-së. Budapesti dhe Moska kanë nënshkruar një marrëveshje për modifikimin e kontratës për zgjerimin e termocentralit bërthamor Paksnë Hungari. Kështu ka bërë të ditur ministri i jashtëm hungarez. Palët kanë rënë dakord të rishikojnë kontratat e ndërtimit dhe financimit. Pasi të bëhen ndryshimet në kontratë, shpjegoi ministri, ato do t'i paraqiten Komisionit Evropian për miratim. "Ne shpresojmë që Komisioni nuk dëshiron të rrezikojë sigurinë afatgjatë të furnizimeve energjetike të Hungarisë," tha Szijjártó, duke nënvizuar rëndësinë e zgjerimit të Paks për të mbajtur çmime të përballueshme të energjisë elektrike dhe për të siguruar furnizim të qëndrueshëm me energji në Hungari. Ministri tha gjithashtu se kompania shtetërore ruse e energjisë Gazprom kishte rënë dakord të lejonte Hungarinë, nëse është e nevojshme, të importojë sasi të gazit natyror që tejkalojnë atë që ishte rënë dakord në një kontratë afatgjatë të nënshkruar vitin e kaluar. Budapesti do të jetë në gjendje të blejë gaz me një çmim të kufizuar në 150 euro për metër kub, duke e paguar atë në një bazë të shtyrë nëse çmimet e tregut rriten mbi këtë nivel.