NATO CERTIFIKOI EKSPERTËT SHQIPTARË TË ASGJËSIMIT TË MJETEVE SHPËRTHYESE PJESË PËRBËRËSE E BATALIONIT TË XHENIOS NË KOMANDËN MBËSHTETËSE.

Tiranë, Shqipëri | Një ekip ekspertësh të kompanisë EOD (Asgjësimi i mjeteve shpërthyese) të batalionit të xhenios në Komandën Mbështetëse, janë certifikuar nga NATO pasi përmbyllën me sukses trajnimin dhe demonstrimin e teknikave të një niveli të lartë profesionalizmi gjatë stërvitjes në Letoni.

NATO botoi në faqet e saj zyrtare fotografi nga demonstrimi i aftësive të larta ushtarake ku shkruan se ekipi shqiptar i Asgjësimit të Mjeteve Eksplozive kreu një trajnim dhe demonstrim me ndikim të lartë, duke shfaqur teknikat dhe mjetet e tyre të avancuara në kampin Adazhi (Adaži), në Letoni.

“Ata eksploruan teknikat e hapjes së dyerve, vendosën dronë për të tërhequr paketat e simuluara të kërcënimit dhe demonstruan fuqinë e makinerive të topave të ujit në neutralizimin e rreziqeve të mundshme”, thuhet në njoftimin e bërë publik nga NATO.

“Ky trajnim praktik jo vetëm që rrit gatishmërinë tonë, por gjithashtu përforcon rëndësinë e inovacionit dhe punës në grup në ruajtjen e sigurisë”, thuhet më tej në njoftim.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit