NA KUJTOFSHIN HISTORITË E KËTIJ MUZEU PËR TË GJITHA DETYRIMET TONA PËR TË ELEMINUAR ARMËT BËRTHAMORE

Hiroshima, Japoni | Presidenti amerikan Xho Baidën (Joe Biden) ka premtuar të luftojë për një botë pa armë bërthamore, në mesazhin e shkruar në Librin e Nderit të Muzeut Përkujtimor të Paqes në Hiroshima, kushtuar viktimave të bombës së parë atomike kur ajo u hodh në vitin 1945 nga SHBA. “Na kujtofshin historitë e këtij muzeu për të gjitha detyrimet tona për të ndërtuar një të ardhme paqeje”, shkroi z. Baidën (Biden) pas vizitës që bëri dje me liderët e tjerë të G7-ës, në hapjen e samitit. “Së bashku ne vazhdojmë të bëjmë përparim drejt ditës kur mund të shpëtojmë përfundimisht dhe përgjithmonë botën nga armët bërthamore”, shtoi z. Baidën (Biden), sipas qeverisë së Tokios.