MOSKA KËRCËNON KRERËT E SAMITIT TË VILNIUSIT.

Moskë, Federata Ruse | Zëdhënësja e Ministrisë së Jashtme ruse Maria Zakharova shkroi në rrjetin shoqëror virtual Telegram se udhëheqësit e NATO-s duhet të diskutojnë për çështjen e centralit bërthamor të Zaporizhzhia, në samitin e Vilniusit, të Lituanisë, i cili do të mbahet javën e ardhshme: “Në fund të fundit, shumica dërrmuese e anëtarëve të Aleancës do të gjendet në zonën e ndikimit të drejtpërdrejtë, nëse ndodh diçka në termocentral”, tha ajo.

Duke akuzuar Ukrainën për “dëmtim sistematik të uzinës”, znj. Zakharova tha se “vëmendja kryesore e samitit të NATO-s duhet t'i kushtohet asaj.”

Vilnius, vendi ku do të mbahet Samiti i NATO-s gjendet rreth 1000 kilometra larg termocentralit bërthamor.

Copyright | Agjencia Telegrafike Vox