___.png)
MONREALE; PALERMO | U ARRESTUA SAMUEL AKUISTO (ACQUISTO): AKUZOHET SE NXITI SALVATORE KALVARUSO (CALVARUSON) TË VRISTE ME ARMË ZJARRI TRE VETA.
- Agjencia Telegrafike Vox
- 11 hours ago
- 6 min read
Lagjja Zen, Monreale, Palermo, Itali | Mbrëmë, karabinierët e komandës provinciale të Palermos ekzekutuan një urdhër arresti të lëshuar nga Zyra e Prokurorit Publik kundër një 18-vjeçari nga Palermo, Samuel Akuisto (Acquisto), i akuzuar - në bashkëpunim - për krimin e masakrës.
Pasditen e djeshme, karabinierët identifikuan në lagjen Zen të qytetit motoçikletën e përdorur nga disa prej të rinjve që të dielën e kaluar, në Monreale, qëlluan dhjetëra të shtëna me armë zjarri drejt turmës, duke vrarë tre bashkëmoshatarë dhe duke plagosur rëndë dy të tjerë.
Sipas prokurorisë, në bashkëpunim me persona të tjerë që ende nuk janë identifikuar, ai e nxiti z. Salvatore Kalvaruso (Calvaruson), i cili, u arrestua ditët e fundit, të qëllonte me armë zjarri në lartësinë e gjoksit në rrugën ku ishin mbledhur mbi pesëdhjetë persona.
Z. Akuisto (Aquisto) dyshohet se e ka ndihmuar z. Kalvaruso (Calvaruso) gjatë të shtënave, duke kryer akte që rrezikuan sigurinë publike, thuhet në urdhër-arrest.
Sipas rindërtimit të hetuesve, 18-vjeçari i arrestuar atë natë po drejtonte motoçikletën atë natë.
Ndërsa kontrollet teknike të motoçikletës po kryheshin nga karabinierët e seksionit të hetimeve shkencore, 18-vjeçari u dorëzua te hetuesit, i shoqëruar nga avokati i tij i besuar.
Në fund të marrjes në pyetje, prokurorët urdhëruan arrestimin e tij, i cili, u krye menjëherë nga karabinierët.
I dyshuari po mbahet në burgun “Pagliarelli”, të Palermos.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Në lidhje me këtë ngjarje kriminale Agjencia Telegrafike Vox (Voks) botoi artikullin me përmbajtjen e mëposhtëme. 👇👇👇
PALERMO: U ARRESTUA SALVATORE KALVARUSO (CALVARUSO) | AKUZOHET SE VRAU 3 VETA - ANDREA MIKELI (MICELI); SALVATORE TURDO; MASSIMO PIROXO (PIROZZO) - I PLAGOSUR NIKOLO KANJEMI (NICOLÒ CANGEMI).
Palermo, Itali | Karabinierët e Komandës Provinciale të Palermos kanë ekzekutuar një urdhër-arresti të lëshuar nga Prokuroria Publike e Palermos kundër:
1- Z. Salvatore Kalvaruso (Calvaruso), me moshë 19 vjeç.
Ai akzuohet se shtiu me armë zjarri dhe vrau tre veta dhe gjithashtu plagosi edhe dy të tjerë (një 16-vjeçar dhe një 33-vjeçar, të cilët sipas konstatimeve nuk kanë marrë pjesë në konfliktin mes palëve, por, ishin duke kaluar rastësisht pranë vendit të të shtënave).
I arrestuari u dërgua në burgun Paliareli (Pagliarelli), në Palermo.
Ai ka rrëfyer ngjarjen me deklarata spontane, por, më pas ka shfrytëzuar të drejtën për të heshtur. Prandaj, deklaratat e tij nuk mund të përdoren në këtë fazë të hetimit.
Karrige, tavolina, shishe qelqi të hedhura nga njëra anë e rrugës në tjetrën.
Via Benedetto D'Acquisto, plot me piceri dhe bare pak hapa larg Katedrales së Monreale, vetëm dhjetë kilometra mbi Palermo. Një sherr i dhunshëm mes djemve, i cili, mesa duket ka nisur nga një grup të rinjsh nga Palermo, të cilët ishin në një udhëtim.
Kumtohet se si shkak i konfliktit ishte drejtimi i pakujdesshëm i një skuteri megjithatë egziston edhe hipoteza e një tentative vjedhjeje të prishur nga djemtë e zonës.
Është ora 1.30 e mëngjesit. Në përleshjet e para, disa klientë nga frika largohen me shpejtësi në drejtim të Palermos sepse në anën e kundërt, ajo që të çon në sheshin kryesor të Monreales, ka kaos. Pastaj papritmas ka të shtëna.
“Ato dukeshin si fishekzjarre”, tha një dëshmitar që mendoi se bëhej fjalë për festimin për Kryqin e Shenjtë, një ngjarje kyçe për Monreale-n, i cili, feston shenjtin mbrojtës të tij.
Dhe në vend të kësaj ato janë të shtëna armësh. Dikush qëllon, pesë veta mbeten në tokë, trotuari është lyer me gjak. Është terror total.
Aktualisht policia po heton nëse një apo dy persona kanë shtypur këmbëzën.
Disa djem nga lagjet Zen dhe Borgo Nuovo të Palermos u dëgjuan që dyshohet se merrnin pjesë në përleshje.
Rreth njëzet të shtëna armësh u shkrepën.
Më pas ata ikën në rrugën Veskovado (via Vescovado) aty pranë, rruga që të çon në parking, por njëri prej tyre, 19 vjeç, u ndalua pak më vonë dhe u dëgjua për orë të tëra (Ai u ndalua në mbrëmje, red.).
Të tjerët u gjurmuan falë pamjeve nga kamerat e vëzhgimit dhe dëshmitarëve të dëgjuar në kazermë.
Të paktën njëqind njerëz ishin të pranishëm në atë moment midis Sheshit (Piazza) Duomo dhe rrugëve përreth.
Menjëherë kanë mbërritur ambulancat e 118.
Megjithatë, shpëtimtarët u rrethuan dhe u përplasën nga të afërmit dhe miqtë e viktimave, secili, duke u përpjekur të bindte operatorët që të kujdeseshin fillimisht për të afërmin e tyre.
Më pas ardhja e karabinierëve.
Z. Salvatore Turdo, me moshë 23 vjeç dhe z. Massimo Piroxo (Pirozzo), me moshë 26 vjeç, të dy nga Monreale, u ngarkuan në ambulanca: ata vdiqën pak më vonë.
Z. Andrea Mikeli (Miceli), me moshë 25 vjeç, gjithashtu nga Monreale, është viktima e tretë: plagët me armë zjarri ishin shumë të rënda; zemra e tij u ndal në mes të mëngjesit.
Miqtë thonë se ai e shpëtoi të dashurën e tij duke e mbyllur në makinë para se të arrinte kushëririn e tij Salvatore Turdo për ta ndihmuar.
Dy të plagosurit, gjithashtu banues në Monreale dhe të shtruar në spital në Policlinico, janë jashtë rrezikut.
Z. Nikolo Kanjemi (Nicolò Cangemi), me moshë 33 vjeç dhe një djalë 16-vjeçar që siguroi miqtë e tij duke u folur në telefon pasdite.
Të koordinuar nga Prokuroria e Palermos, hetuesit po mbyllen për të identifikuar se kush e tërhoqi këmbëzën dhe pse.
Zona e të shtënave është rrethuar për hetime, në kutitë e luleve të lokalit janë gjetur vrima plumbash dhe në disa zgavra, disa gëzhoja në asfalt.
“Përballë një ngjarjeje të tillë, fjala më elokuente është heshtja, gjestet më të përshtatshme, lutja dhe lotët; ky fakt më godet dhe më krijon një ndjenjë përgjegjësie, sepse këto vdekje kërkojnë dhe meritojnë një përgjigje personale nga çdo person”, tha kryepeshkopi i Monreale-s, Gualtiero Isaki (Isacchi), i cili, zbarkoi mëngjesin e sotëm në Palermo nga fluturimi i parë i festimit në Francë.
Në marrëveshje me këshillin dhe autoritetet e tjera, kryetari i bashkisë, Alberto Arçidiakono (Arcidiacono), anuloi kremtimin e Kryqit të Shenjtë, duke dekretuar një ditë zie për qytetin në ditën në të cilën do të mbahen funeralet e tre djemve dhe duke marrë përsipër shpenzimet e funeralit.
“Në një moment me kaq dhimbje të thellë për komunitetin tonë - tha ai - çdo festim duket turpërues”.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Në lidhje me këtë ngjarje kriminale Agjencia Telegrafike Vox (Voks) botoi artikullin me përmbajtjen e mëposhtëme. 👇👇👇
PALERMO: U VRANË ME ARMË ZJARRI SALVATORE TURDO ME MOSHË 23 VJEÇ; MASSIMO PIROXO (PIROZZO) ME MOSHË 26 VJEÇ; ANDREA MIKELI (MICELI) ME MOSHË 26 VJEÇ | TË PRANISHËM 100 DËSHMITARË.
Palermo | Strukturat vendore të Policisë konstatuan se si pasojë e të shtënave me armë zjarri mbetën të vrarë:
1- Z. Salvatore Turdo, me moshë 23 vjeç.
2- Z. Massimo Piroco (Pirozzo), me moshë 26 vjeç.
3- Z. Andrea Mikeli (Miceli), me moshë 26 vjeç.
Dy të parët vdiqën menjëherë pasi u transportuan në spitalet Ingrassia dhe Çiviko (Civico) të kryeqytetit.
I treti vdiq më vonë, përsëri në spital, në Çiviko (Civico).
Të afërm dhe miq të shumtë të viktimave dolën para spitaleve, me britma dhe me akte dëshpërimi.
Të shtënat ndodhën gjatë natës në qendrën Sheshin (Piazza) Duomo në Monreale (Palermo).
Të shtënat ndodhën në një shesh të mbushur me njerëz, para të paktën njëqind dëshmitarëve.
Sipas një rindërtimi fillestar, gjithçka filloi pas një sherri për arsye të parëndësishme përpara një picerie. Më pas dy grupet e të rinjve janë përballur në shesh. Një nga autorët e sulmit, i armatosur me pistoletë, ka nisur të qëllojë.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments