MINISTRIA E MBROJTJES E REPUBLIKËS SË SHQIPËRISË: FORCA DETARE FESTON SOT 99-VJETORIN E KRIJIMIT.

Vlorë, Shqipëri | Në Portin e Vlorës u organizua ceremonia që shënoi 99 vite histori, përkushtim dhe sakrifica për mbrojtjen e sovranitetit të ujërave tona.

“Ndërsa ky përvjetor na afron drejt jubileut të madh të 100 viteve, Forca Detare vazhdon të modernizojë kapacitetet e saj dhe të forcojë bashkëpunimin me aleatët ndërkombëtarë, duke mbetur një shtyllë kyçe për sigurinë kombëtare dhe rajonale”, bën të ditur Ministria e Mbrojtjes, e Republikës së Shqipërisë.

Gjatë këtyre viteve, me mbështetjen e partnerëve NATO dhe SHBA, Forca Detare ka bërë hapa para për realizimin e misionit kushtetues, mbrojtjen dhe zbatimin e ligjshmërise detare, mbajtjen në kontroll të kësaj hapësire nëpërmjet sistemit të ri të vëzhgimit të saj, si dhe krijimin e kapaciteteve te nevojshme operacionale për planifikimin dhe zhvillimin e operacioneve humanitare në ndihmë të komunitetit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit