MINISTRI I UNIFIKIMIT I KORESË SË JUGUT ÇUNG DONG-JANG (CHUNG DONG-YOUNG): KOREJA E VERIUT KA 2 MIJË KG URANIUM TË PASURUAR NË MASË TË LARTË.

Seul, Kore e Jugut | “Koreja e Veriut zotëron deri në 2000 kg uranium të pasuruar në masë të lartë falë përpjekjeve të vendosura për të zgjeruar drastikisht kapacitetet e saj bërthamore në vitet e fundit”.

Ky është vlerësimi i bërë publik në një konferencë për shtyp nga Ministri i Unifikimit i Koresë së Jugut, Çung Dong-Jang (Chung Dong-young), bazuar në të dhënat e ekspertëve të disponueshme publikisht, sipas agjencisë së lajmeve “Yonhap”.

“Një ndalesë është urgjente. Edhe në këtë moment, centrifugat e uraniumit në katër zona të Veriut po funksionojnë për të grumbulluar material bërthamor”, shtoi Ministri Çung (Chung).

Rifillimi i bisedimeve Veri-SHBA do të ishte një pikë kthese nga ngërçi në denuklearizimin e vendit të izoluar nga bashkësia ndërkombëtare.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit