MINISTRI I JASHTËM I FEDERATES RUSE SERGEI LAVROV: KËRKESAT TONA NDAJ UKRAINËS JANË TË PADISKUTUESHME; PËR HERË TË PARË PO LUFTOJMË KUNDËR GJITHË PERËNDIMIT; NË L1B DHE L2B E KISHIM ALEAT.

Moskë, Federata Ruse | Ministri i Jashtëm rus Sergei Lavrov tha sot se kërkesat e Moskës për t'i dhënë fund konfliktit në Ukrainë janë të padiskutueshme, veçanërisht siguria se Kievi nuk do t'i bashkohet NATO-s, se Aleanca nuk do të zgjerohet më, dhe se rajonet që ajo pretendon në territorin ukrainas të njihen si ruse.

“Ne këmbëngulim në kërkesat tona legjitime, veçanërisht në sigurimin e sigurisë sonë”, tha Ministri Lavrov, i cituar nga agjencia e lajmeve “Tass”, në një forum.

“Kjo - sipas kreut të diplomacisë ruse - përfshin mospërfshirjen e Ukrainës në NATO dhe moszgjerimin e NATO-s, e cila, tashmë ka arritur në kufijtë tanë, pavarësisht të gjitha premtimeve dhe dokumenteve që janë miratuar.

Dhe sigurisht, njohjen e realiteteve të sanksionuara në Kushtetutën tonë, e cila, është një kërkesë absolutisht e padiskutueshme.

Midis këtyre realiteteve është njohja e rajoneve të Donetskut, Luganskut, Zaporizhias dhe Khersonit, si dhe Krimesë, si ruse.

Për herë të parë në histori, Rusia po lufton kundër të gjithë Perëndimit. Në Luftën e Parë dhe të Dytë Botërore, ne kishim aleatë.

Tani nuk kemi aleatë në fushën e betejës.

Prandaj, duhet të mbështetemi te vetja; nuk duhet t'i lejojmë vetes asnjë dobësi, …”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit