MINISTRI I BRENDSHËM I ITALISË QËLLOHET ME PERIME NGA PROTESTUESIT.

Përleshje ndodhën jashtë stacionit detar të Napolit, midis policisë dhe protestuesve, ku pritej të vinte Ministri i Brendshëm, Matteo Piantedosi.

Shkëndija e parë e përleshjes u ndez para mbërritjes së ministrit, kur demonstruesit u përpoqën të vendosnin një kurorë me lule, për nder të të vdekurve në Cutro, në hyrje të stacionit detar.

Një përleshje e dytë u shkaktua pikërisht në momentin që ministri kaloi pranë protestuesve, të cilët e qëlluan me perime të ndryshme në shenjë revolte. Objekt i mosmarrëveshjes midis protestuesve dhe qeverisë italiane është i ashtuquajturi “Dekreti Cutro”, i cili, redukton mbrojtjen e posaçme për emigrantët që mbërrijnë në Itali.