MILANO: U ARRESTUA KREU I NJË GRUPI KRIMINAL HAKERASH RUMUNË FALË NJË OPERACIONI POLICOR ITALO-RUMUNO-FRANCEZ.

Milano, Itali | Policia Shtetërore Italiane ka arrestuar kreun e një bande hakerash rumune të specializuar në sulme ransomware, falë një operacioni të përbashkët me Francën dhe Rumaninë.

Hetimi penal paraprak, i kryer nga Qendra Kibernetike e Milanos dhe i koordinuar nga Policia italiane Postare dhe Shërbimi italian i Sigurisë Kibernetike, çoi, vetëm brenda pak muajsh, në identifikimin e shumë të dyshuarve, të gjithë shtetas rumunë.

Gjykatësi hetues i Milanos e ka lënë të dyshuarin kryesor, një burrë 44-vjeçar të konsideruar shumë të rrezikshëm, në paraburgim.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit