MBRETËRIA E SPANJËS | MASHTRUESIT NË RRJETET SOCIALE VIRTUALE PO PËRDORIN PROFILE TË RREME TË PRINCESHËS TRASHËGIMTARE TË FRONIT LEONORA PËR TË KRYER MASHTRIME FINANCIRE.

Madrid, Mbretëria e Spanjës | Fondacioni “Princesa de Asturias” ka lëshuar një alarm për publikun në lidhje me profilet e rreme në mediat sociale virtuale që po uzurpojnë identitetin e Princeshës Leonor, trashëgimtares së fronit spanjoll, për të kryer mashtrime, duke premtuar ndihmë financiare në këmbim të pagesave.

Mesazhi, i publikuar në faqen e internetit të Fondacionit pas kapjes së profileve të rreme që imitonin “Lartësinë e Saj Mbretërore”, paralajmëron se fondacioni nuk ka asnjë program ndihme financiare për individë privatë.

Mashtruesit, duke shfrytëzuar mungesën e një llogarie zyrtare në TikTok nga princesha, krijojnë video të mundësuara nga inteligjenca artificiale në të cilat e hamendësuara “Leonor” premton mbështetje të konsiderueshme financiare në këmbim të një depozite simbolike.

Megjithatë, pasi paguajnë një tarifë të vogël, viktimat inkurajohen të paguajnë shuma shtesë derisa mashtruesit të zhduken.

Mënyra e veprimit, e zbuluar në muajt e fundit nga disa media, përfshirë entin emdiatik “El Pais”, është përhapur falë algoritmit të TikTok, i cili, shpërblen videot me angazhim të lartë.

Mashtrimet, në fakt, kanë tejkaluar miliona shikime.

Videot shpesh kërkojnë komente ose informacione personale për të marrë ndihmë, ndërsa mashtruesit kontaktojnë viktimat përmes mesazheve private dhe telefonatave, duke u paraqitur si avokatë ose madje duke imituar Leonorën.

Pavarësisht raportimeve, TikTok nuk e ka hequr përmbajtjen mashtruese.

Prandaj, Fondacioni, pasi përsëriti se nuk ka ndonjë program ndihme financiare, i bën thirrje publikut të jetë i kujdesshëm ndaj mashtrimeve.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit