MBRETËRIA E SPANJËS | KRYEMINISTRI PEDRO SANÇEZ (SANCHEZ): NUK MBAJ ZGJEDHJE TË PARAKOHSHME; NUK JAP DORËHEQJE.

Madrid, Mbretëria e Spanjës | Kryeministri Pedro Sançez (Sanchez) u përpoq t’i dërgonte një mesazh ringritjeje politike qendrës së majtë nga parlamenti spanjoll, duke pretenduar se rastet e korrupsionit që prekin rrethin e tij janë të izoluara dhe nuk shtrihen në të gjithë qeverinë e tij.

Siç theksoi ai, shumica e tyre kanë të bëjnë me individë që tashmë janë larguar nga Partia Socialiste (PSOE), si Jose Luis Avalos, Koldo Garsia (García), Santos Kerdan (Cerdan) dhe Leire Diez.

“Ata po përpiqen të krijojnë një ndjesi korrupsioni të përgjithësuar që nuk ekziston”, tha ai, duke iu përgjigjur presionit nga kreu i opozitës kryesore, Alberto Nunez Feijoo, i cili bëri thirrje për zgjedhje të parakohshme dhe u bëri thirrje partive që mbështesin qeverinë të mbështesin një mocion mosbesimi.

Partnerët qeveritarë dukeshin të ndarë.

Parti të tilla si ERC dhe PNV i kërkuan të shpjegonte planin e tij politik për vazhdimin e mandatit të tij, duke argumentuar se mbijetesa e thjeshtë politike nuk mjafton.

Subjekti politik “Podemos” mbështeti shkuarjen në zgjedhje, ndërsa subjekti tjetër “Junts” propozoi si alternativë dorëheqjen e tij dhe emërimin e një zyrtari tjetër të PSOE-së, me qëllim që të përpiqej një proces të ri formimi të qeverisë.

Pavarësisht presionit, kryeministri Sançez (Sanchez) përjashtoi zgjedhjet e parakohshme dhe dorëheqjen.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit