ISH-PROKURORI FEDERAL AMERIKAN AKUZON PARINË E TIRANËS SE PASTRON PARATË E KARTELIT SINALOA.

Agjencia Telegrafike Vox, ka mësuar nga burimet e hapura të informimit një fakt tejet tronditës, atë që lidhet me një akuzë të bërë nga një ish-prokuror federal amerikan ndaj parisë politike të Tiranës, e cila, gjendet e pasqyruar në përmbajtjen e shkrimit të mëposhtëm, marrë nga revista e përditëshme e botuar në trajtë digjitale, me titull: American Thinker (Mendimtari Amerikan), të cilën, redaksia jonë e shqipëroi dhe e sjell të plotë për kënaqësinë e lexuesit shqiptar. Shqipëroi: z. Erton Duka. Nga: z. John O'Conor*. *John D. O'Connor është një ish-prokuror federal dhe avokat i San Franciskos i cili përfaqësoi W. Mark Felt gjatë zbulimit të tij si Deep Throat në 2005. O'Connor është autor i librave, Postgate: How The Washington Post Betrayed Deep Throat , Mbuloi Watergate dhe filloi Gazetaria e sotme e avokimit partizan dhe misteret e Watergate: Çfarë ndodhi me të vërtetë . {E njëjta administratë po ecën lehtë edhe me regjimin e korruptuar shqiptar, i lidhur shumë me kartelin kryesor meksikan të drogës, Sinaloa, i cili së bashku me Shqipërinë pastron paratë e kartelit dhe shërben si pika kryesore e hyrjes evropiane për kokainën}. Dy raste korrupsioni kanë dalë në pah kohët e fundit, të dyja me shtete të huaja. Në mënyrë domethënëse për qytetarët amerikanë, të dyja këto hedhin dritë mbi aktivitetet e dyshimta të Hantër Bidenit në lidhje me interesat e huaja jetike të Shteteve të Bashkuara të Amerikës. Nëse ato japin gjithashtu konkluzione për mbajtjen e dokumenteve të Presidentit Baiden, atëherë bëhet pyetje për jurinë e opinionit publik. Një nga këto raste përfshin bastisjen e fundit nga presidenti ukrainas Volodymyr Zelensky në shtëpinë e oligarkikut më të korruptuar të Ukrainës, Igor Kolomoiskit, për përvetësimin e dyshuar të një miliard dollarëve nga dy kompanitë më të mëdha të naftës në Ukrainë. Kjo pason sanksionet ndaj Kolomoiskit nga Shtetet e Bashkuara të Amerikës, në 2021, në një ndalim të udhëtimit në Shtetet e Bashkuara për të dhe familjen e tij. Zelenski e di se duhet të ndëshkojë korrupsionin për të vazhduar të marrë ndihmë të huaj për luftën e tij kundër Rusisë. Rasti i dytë i korrupsionit që doli në dritë është aktakuza e ish-agjentit të nivelit të lartë të kundërzbulimit të FBI-së, Karl Mek'Gonigëllit. Ndërsa kreu i zyrës së kundërzbulimit të FBI-së në Nju Jork nga viti 2016 deri në vitin 2018 dhe më pas, ai kishte marrëdhënie të pazbuluara korruptive që shfaqnin shuma të mëdha pagesash në para me agjentë të kryeministrit të korruptuar shqiptar Edi Rama dhe agjentë të oligarkut rus Oleg Deripaska, për të cilin Prokurori i posaçëm Robert Mueller i RusiaGate ka deklaruar se ishte i lidhur ngushtë me presidentin rus, Vladimir Putin. Të dyja rastet janë qartësisht histori tronditëse të një agjenti të nivelit të lartë të FBI-së që përdor pozicionin e tij për të çuar përpara interesat e kundërta të rivalëve të huaj. Megjithatë, në pamje të parë duket se kanë pak lidhje me ndonjë lidhje serioze me Shtetet e Bashkuara të Amerikës, kështu që pse duhet të kujdeset ndonjëri prej nesh? Le të diskutojmë në lidhje me Igor Kolomoiskin. Ju lutemi kujtoni se në prill dhe maj 2014, Hanter Baiden dhe partneri i tij Devon Archer u punësuan si drejtorë nga komoania ukrainase e energjisë, Burisma, secili për 1 milion dollarë në vit. Hanter Baiden mori gjithashtu detyra fitimprurëse për një firmë ligjore me të cilën ai ishte i lidhur. Kush ishte pronari kontrollues i Burisma? Po, e keni marrë me mend: Igor Kolomoiski, partneri i heshtur i shumicës pas zyrtarit në dukje numër një (por realisht numri dy), Presidentit të Burisma, Mycola Zlochevski. Zyrtari numër tre ishte Vadim Pozhariski. Pasi Hanteri u punësua, gjëra të mira filluan të ndodhin për Igor Kolomoiskin. Për shembull, ai më në fund mundi të merrte një vizë për të udhëtuar në Shtetet e Bashkuara për të dhe familjen e tij, gjë që kërkonte ndikim me Departamentin e Shtetit. Pasi zëvendëspresidenti Xho Baiden, shtyu 3 miliardë dollarë ndihmë të huaj për Ukrainën, shumë që u dërgua për institucionin më të madh financiar të Ukrainës, PrivatBank, 1.7 miliardë dollarë prej të cilave shkuan për huatë e PrivatBank nga dega e saj në Qipro. Kreditë ishin për gjashtë kompani të siguruara me kontrata për dërgimin e mallrave nga kompani të huaja. Paratë rrodhën te shitësit, por mallrat nuk lundruan kurrë, dhe pronarët e PrivatBank fituan 1.7 miliardë dollarë, të gjitha përmes këtyre kompanive guaskë jashtë shtetit. Kush ishte kryepronari i PrivatBank? Igor Kolomoiski, një klient i Hanter Baidenit. Përfundimisht, PrivatBank hyri në vrimë për 5.6 miliardë dollarë, të gjitha me sa duket në xhepat e Kolomoiskit dhe bashkëpunëtorëve. Kolomoiski nuk u arrestua apo u burgos dhe jetoi i pandëshkueshëm në Ukrainë gjatë vitit 2016. Megjithatë, ndërsa zëvendëspresidenti Joe Biden po largohej nga detyra, Kolomoiski u largua nga Ukraina. Vallë, a kishte qenë i mbrojtur? Kur prokurori ukrainas Viktor Shokin hetoi Burisma për korrupsion dhe bastisi shtëpinë e Mykola Zlochevskit, Hanter Baideni u bë jashtëzakonisht veprues. Rezultati ishte se babai i Hunterit e pushoi nga puna Shokinin duke kërcënuar se do të mbante 1 miliard dollarë ndihmë financiare nëse ai nuk pushohej. Çështjet e korrupsionit të paraqitura kundër Burismas u zgjidhën në mënyrë të favorshme për Burisman, pasi rastet u transferuan nga zyra e prokurorisë së Shokinit në një Byro Kombëtare Anti-Korrupsion të Ukrainës, e ndikuar nga një agjent i FBI-së i vendosur nga drejtori i FBI-së James Comey. Mek'Gonigëlli mori para nga agjenti i Oleg Deripaskës për të ndihmuar në heqjen e sanksioneve amerikane kundër tij dhe për të hetuar një oligark rival, të dy të ngarkuar me përdorimin e burimeve të inteligjencës amerikane. Ai gjithashtu mori para nga nga një ish-oficer i inteligjencës shqiptare për të bindur kryeministrin e korruptuar Rama që të mos jepte kontrata për shpimin e naftës për disa kompani të frontit rus dhe t'i drejtonte ato tek kompanitë me të cilat ai ishte i lidhur. Cila ishte një kompani? Duket se ka qenë CEFC China Energy. Hantër Baiden u mbajt gjithashtu nga CEFC, një zyrtar i së cilës i dha atij një diamant 3,16 karat dhe një blerje 100000 dollarësh. Hantër dhe bashkëpunëtorët e tij bënë lehtësisht pesë milionë dollarë duke rregulluar blerjen nga CEFC të aseteve të Energjisë së SHBA dhe Kanadasë, të cilat duhej të miratoheshin nga agjencitë qeveritare të SHBA. Kujtojmë se Tony Bobulinski pohoi, duke iu referuar marrëdhënieve të tij dhe të Hantërit, se 10% e pronësisë së sipërmarrjes ishte për "Big Guy", për të cilin ai pretendoi, në mënyrë mjaft të arsyeshme, se ishte Xho Baidën. Në vitin 2017, Shtetet e Bashkuara paditën zyrtarin e CEFC-së, Patrick Ho, për përpjekjen për të korruptuar zyrtarët në Çad dhe Ugandë për të marrë kontrata për shpimin e naftës për CEFC. Me kë e bëri telefonatën e parë pas arrestimit? Me Xheims Baidënin (James Biden), vëllain e Xho Baidënit. Shpejt, Hantër përfaqësoi si avokat të mbrojtjes penale të Ho-së, Ed Kimin. Kimi shpejt e pyeti Hantërin për emrat e disa zyrtarëve të FBI-së që Hantër i njihte. Ne nuk i dimë emrat e tyre, por është logjike që dikush mund të jetë agjenti i FBI-së i ndikuar nga CEFC, Karl Mek'Gonigëll. Kujtojmë se kanali i Mek'Gonigëllit për Ramën ishte Dorian Ducka i CEFC. Në laptopin e Hantërit ka një zinxhir e-mailesh me grupin e tij CEFC, për përkujdesjen ndaj Dorian Duçkës për ndihmën e tij që në fillim. Duket se një aktivitet madhor i CEFC ishte prokurimi korruptiv i aseteve të energjisë për importuesin e uritur për energji, Kinën. A besonte CEFC se po blinte ndikim me qeverinë e Shteteve të Bashkuara përmes Hantërit? Ky është sigurisht një përfundim i mundshëm. CEFC tani e ka deklaruar veten të falimentuar, akt që nuk ndodh nëse qeveria kineze nuk dëshiron që kjo të ndodhë. Nxehtësia publike në CEFC, veçanërisht pasi u zbulua laptopi i Hantërit, ishte qartësisht i tepërt edhe për Kinën. Tani le të kthehemi te Burisma. Ndërsa Xho Baidën ka pretenduar se nuk ka asnjë lidhje me marrëdhëniet e biznesit të Hantërit, laptopi nga ferri tregon Burisma i dërgoi e-mail Hantërit për ndihmën e tij të paspecifikuar menjëherë pasi ai u punësua. Pastaj, një vit më vonë, Shokini ngriti presionin mbi Burisman, dhe Pozharski u takua me Zëvendës Presidentin Baidën, siç ishte rregulluar nga Hantër Baidën, për të cilin Pozharski falënderoi Hantërin me e-mail. Muaj më vonë, Shokini u pushua nga puna. Kur Hantëri ishte në audicionin për t'u punësuar nga Burisma, ai dërgoi një e-mail të gjatë në lidhje me perspektivat e shpimeve në det të hapur të Ukrainës, të prekura nga veprimet ruse dhe sanksionet e SHBA-së, duke u tingëlluar në mënyrë të dyshimtë sikur të ishte hequr nga një konferencë e inteligjencës e nivelit të lartë e SHBA- së. Me sa duket, qëllimi nuk ishte të bindte klientin e mundshëm të Hantërit, se ai vetë ishte një këshilltar i shkëlqyer i politikës së jashtme. Përkundrazi, ishte për të bindur marrësin se ai kishte akses në burimet konfidenciale të inteligjencës, siç dëshmon zhargoni i inteligjencës i raportit të tij. Tani e dimë se Qendra Penn-Biden për Angazhimin Global u themelua nga Zëvendës Presidenti Biden pasi ai u largua nga detyra. Ajo u financua nga 67 milionë dollarë të raportuara si para kineze. Ne e dimë se mjetet më të vlefshme të inteligjencës amerikane janë informimet presidenciale. Konferencat presidenciale nga viti 2013 deri në vitin 2016 ishin ndër dokumentet e zbuluara së fundmi në Qendrën Penn Biden. Ka një fotografi në laptopin e Hantërit të kutisë së dikumentave të bankierve me fjalën "e rëndësishme" të skalitur sipër, duke iu referuar dokumenteve që gjenden në kuti. Një sërë dokumentesh të klasifikuara u gjetën në shtëpinë e Xho Baidënit, e marrë me qira nga Hantëri për 50000 dollarë në muaj. Duken si shumë para. Me pak fjalë, mund të ndodhë që këto dokumente të klasifikuara të jenë kuruar, përzgjedhur dhe përdorur për një qëllim të caktuar. Hantëri po merr ende fitime nga pronësia e tij prej 10% në fondin shumë miliardë dollarësh Bohai Harvest të financuar nga banka e Kinës. A ka ndonjë lidhje këtu me rinisjen e butë të politikës sonë ndaj Kinës nga Administrata Baidën? E njëjta administratë po ecën lehtë edhe me regjimin e korruptuar shqiptar, i lidhur shumë me kartelin kryesor meksikan të drogës, Sinaloa, i cili së bashku me Shqipërinë pastron paratë e kartelit dhe shërben si pika kryesore e hyrjes evropiane për kokainën. Qeveria e korruptuar e Ramës që mundëson drogën nuk është sanksionuar kohët e fundit nga Sekretari i Shtetit Anthony Blinken. Megjithatë, rivali konservator i Ramës dhe ish-kryeministri Sali Berisha u sanksionua për korrupsion. Por njeriu më i afërt me Ramën është edhe i afërt me Hantër Baidënin, pra Dorian Ducka. Një shënim i fundit: oligarku Oleg Deripaska luajti një rol kryesor në shtyrjen e sulmit të Rusisë kundër Presidentit Trump. Inspektori i Përgjithshëm Michael Horowitz detajoi se si zyrtari numër 4 i Departamentit të Drejtësisë, Bruce Ohr, loboi për të ndihmuar Deripaskën, duke u shpjeguar bashkëpunëtorëve të tij se Deripaska po ndihmonte për të kapur Donald Trampin. Dhe, po, Christopher Steele i famshëm i Steele Dossier punonte për fushatën e Klintonit, por mbrojtësi i tij kryesor prej vitesh ishte – mund ta merrni me mend – Oleg Deripaska. Një nga raportet e para të FBI-së për Christopher Steele erdhi në FBI nëpërmjet agjentit të saj në Londër në zyrën e Nju Jorkut për trajtim. Agjenti përgjegjës: Karl Mek'Gonigëll. A na kujtohet se Donald Tramp u fajësua për thirrjen e tij drejtuar presidentit të ri ukrainas Zelensky, duke kërkuar një hetim korrupsioni ndaj Baidënve. Kush ishte mbështetësi kryesor i Zelenskit që hyri kohët e fundit në vend nga mërgimi i tij në vitin 2016? Igor Kolomoisky. Së fundmi, kujtojmë se një dëshmitar kryesor në procedurat e fajësimit kundër Trump ishte ish-ambasadorja e Ukrainës, Maria Yovanovich, e cila ishte emëruar pikërisht përpara se Trump të merrte detyrën, me urdhër të zëvendës presidentit Xho Baidën. Pra, kur Trump mori detyrën, armiqtë e tij ishin në vend dhe ata e morën atë përpara se ai t'i merrte ata. Xheims Komey (James Comey) është një figurë e tillë e shquar, Yovanoniç një tjetër, dhe miku i Putinit Deripaska. Kur bashkëpunëtorët e administratës së Bidenit hedhin poshtë çdo sugjerim për marrëdhënie korruptive të përqendruara rreth Hantër Baidënit, ndoshta duke përfshirë babain e tij, dhe duke u përbuzur mbajtjen në dukje problematike të dokumenteve të klasifikuara të vlefshme nga babai i tij, ndoshta vetullat e ngritura janë në rregull.