LETONI | DRONËT ALARMUAN LETONINË DHE KALUAN NË ESTONI; AVIONËT LUFTARAKË TË NATO-s U NGRITËN NË FLUTURIM.

Rigë, Letoni | “Disa dronë shkaktuan një alarm për sulm ajror gjatë natës në Letoni dhe më pas hynë në hapësirën ajrore të Estonisë, ku avionët luftëtarakë aleatë të NATO-s nga Misioni i Patrullës Ajrore Baltike vazhduan t'i kërkonin”.

Kështu raportoi enti mediatik kombëtar “Err” dhe agjencitë e lajmeve të dy vendeve baltike.

Në orën 3:11 të mëngjesit, Forcat Mbrojtëse Estoneze lëshuan një paralajmërim për kërcënim ajror për disa qarqe.

Nënkoloneli Uku Arold, kreu i Departamentit të Komunikimit Strategjik të Forcave Mbrojtëse Estoneze, deklaroi se dronët kishin shkelur hapësirën ajrore estoneze dhe se avionët luftarakë të Forcave Ajrore Turke, të stacionuar në Bazën Ajrore Amari në Estoni si pjesë e misionit të mbrojtjes ajrore rrotulluese të NATO-s, ishin ngritur në ajër si përgjigje.

“Ne kishim dronë që lëviznin paralelisht me kufirin lindor të Estonisë dhe gjithashtu me atë të Letonisë, dhe më pas hynin në territorin e Estonisë, prandaj ngritëm alarmin”, - tha nënkoloneli Arold.

“Alarmi u hoq para orës 6 të mëngjesit”, e thënë kjo sipas entit mediatik kombëtar “Err”.

Ministri i Jashtëm Margus Tsahkna deklaroi gjithashtu se dronët kishin hyrë në hapësirën ajrore të Estonisë gjatë natës.

Në përgjigje, avionët luftarakë të NATO-s u ngritën nga Baza Ajrore e Amari-t.

Forcat e Mbrojtjes të Estonisë më pas hoqën alarmin ajror.

“NATO reagoi shpejt dhe pikërisht siç pritej; Aleanca është vigjilente dhe e gatshme për të mbrojtur territorin aleat”, - tha ministri Tsahkna.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit