LAGJJA “28 NËNTORI”; ELBASAN | POLI BORIÇI U ARRESTUA; PËRPJEKJE PËR VRASJEN ME ARMË ZJARRI TË ERMIR KËNDEZIT (BITOCI).

Agjencia Telegrafike Vox
Aug 15
2 min read

https://video.wixstatic.com/video/9408e1_5b6e28632b1446cf9133575ae9745990/720p/mp4/file.mp4

Pamje nga përpjekja për vrasjen me armë zjarri të z. Ermir Këndezi (Bitoci).

Lagjja “28 Nëntori”, Elbasan, Shqipëri | Në funksion të luftës institucionale ndaj Agjenturës së Krimit Ordiner strukturat vendore të Policisë së Shtetit arrestuan:

1- Z. Poli Boriçi, me moshë 52 vjeç.

Ai konsiderohet i përfshirë në përpjekjen për vrasjen me armë zjarri të:

1- Z. Ermir Këndezi (Bitoci), me moshë 50 vjeç; i njohur rëndom si një figurat e Agjenturës vendore të Krimit Ordiner, me veprimtari të theksuar kriminale gjatë dhe pas vitit 1997.

Njoftim | Tentoi të vriste me armë zjarri një shtetas, reagimi në kohë dhe me profesionalizëm i shërbimeve të Policisë çon në pranga autorin e dyshuar.

Sekuestrohet arma e zjarrit pistoletë me të cilën autori tentoi të vriste 50-vjeçarin.

Pas marrjes së njoftimit, rreth orës 13:00, se në ambientet e jashtme të një lokali, në lagjen “28 Nëntori”, Elbasan, një shtetas kishte tentuar të vriste me armë zjarri shtetasin E. K., 50 vjeç, shërbimet e Policisë organizuan punën për identifikimin dhe kapjen e autorit.

Falë reagimit të menjëhershëm të Policisë dhe veprimeve profesionale të kryera në kuadër të operacionit “Reagimi”, u bë i mundur identifikimi dhe kapja e autorit të dyshuar, shtetasit P. B., 52 vjeç.

Njëkohësisht, shërbimet e Policisë gjetën dhe sekuestruan, në cilësinë e provës materiale, armën e zjarrit pistoletë me të cilën autori tentoi të vriste 50-vjeçarin.

Nën drejtimin e Prokurorisë, vijojnë veprimet hetimore dhe procedurale për sqarimin e rrethanave dhe dokumentimin e plotë ligjor të rastit, u tha në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

Ne të njohim me botën | www.007vox.com | Burimi yt i informacionit