KËSHILLI I MANDATEVE I HOQI IMUNITETIN DEPUTETIT ATLETEKUQ ME BREKË TË SHKURTËRA.

Tiranë, Shqipëri | Ditën e hënë, në orën 17:00, do të mbahet seanca e posaçme për t’i dhënë autorizimin Prokurorisë Kundër Korrupsionit dhe Krimit të Organizuar (SPAK), për arrestimin e ish-zv/kryeministrit Arben Ahmetaj. Mes debatesh Partia Demokratike dhe ajo Socialiste i hapën udhën në Këshillin e Mandateve, autorizimit të SPAK-ut për kontrollin e banesës dhe arrestimin e z. Ahmetaj. Avokatët e tij të pranishëm në mbledhje, akuzat penale ndaj tij i konsideruan hamendësime, ndërsa refuzuan të tregojnë se ku ndodhet deputeti Ahmetaj. Opozita prezantoi dhe dorëzoi sot Raportin e në Këshillin e Mandateve që miraton kërkesën e SPAK për arrestimin e Ahmetajt, ndërsa mazhoranca tha se raportin do ta paraqesë të premten para orës 12:00, kur edhe do të mblidhet këshilli legjislacionit për pasqyrimin e raporteve.

Në mbledhjen që u shoqërua me debate, dhe ku të pranishëm ishin dhe kreu i SPAK-ut, dhe avokatët e z. Ahmetaj, demokratët kërkuan që autorizimi të jepej që nesër, por Partia Socialiste kërkoi më shumë kohë.

“Kërkesa jonë ishte që raporti të shqyrtohej si pikë e parë e rendit të ditës, në mbledhjen e nesërme, por, u vendos në mënyrë arbitrare, që të shqyrtohej të hënën. Nesër që në mëngjes do të depozitojmë kërkesë për ndryshimin e rendit të ditës, të seancës së nesërme. Çdo vonesë, është pengim i drejtësisë”, tha z. Bardhi.

“Duhet të përgatitet mendimi dhe raporti i mazhorancës. Ne sot nuk mund të kishim një raport të parapërgatitur, pa dëgjuar palën mbrojtëse. Ne do të përgatisim raportin tonë, të cilin do ta dërgojmë në të premten, para orës 12:00”, tha z. Pëllumbi.

Vetë ish-zv.kryeministri Arben Ahmetaj është larguar nga Shqipëria para se Kuvendi të shqyrtonte kërkesën e SPAK për arrestimin e tij.

Sipas Zërit të Amerikës, nga verifikimet e sinjalit të celularit të z. Ahmetaj, rezulton se momenti i fundit i vendndodhjes të ketë qenë Kanadaja.

Dyshohet se z. Ahmetaj është larguar nga kufiri tokësor i vendit, drejt Greqisë pak orë përpara se sa Prokuroria t’i dërgonte parlamentit shkresën për arrestimin.

Copyright | Agjencia Telegrafike Vox