TIRANË | FJALA E DREJTORIT TË PËRGJITHSHËM TË POLICISË SË SHTETIT SKËNDER HITA GJATË CEREMONISË SË MARRJES NË DORËZIM TË 23 MOTOMJETEVE TË BLERA ME FONDE QË U JANË KONFISKUAR BANDAVE KRIMINALE.

Tiranë, Shqipëri | “Të nderuar kolegë në të gjithë vendin!

Uniforma dhe misioni ynë lartësohen nga besimi i qytetarëve, si edhe nga angazhimi, përkushtimi dhe profesionalizmi juaj në terren.

Dua t’ju shoh në çdo rrugë e në çdo lagje, për të parandaluar ngjarjet kriminale, për të ndëshkuar shkelësit e ligjit, për të garantuar rendin dhe sigurinë në çdo cep të vendit dhe për të qenë sa më pranë qytetarëve, në shërbim dhe në ndihmë të tyre.

Jemi në kulmin e sezonit turistik dhe këto motomjete janë një ndihmë e vyer për shërbimet në terren.

Megjithatë, ndihma më e madhe dhe garancia e vërtetë e suksesit tonë mbeten integriteti, profesionalizmi dhe përkushtimi juaj në kryerjen e detyrës.

Ndaj, përmbusheni këtë mision të shenjtë me përgjegjësi të lartë.

Të nderuar  qytetarëve që doni rregullin dhe ligjin!

Mbështetja dhe besimi juaj janë busulla jonë e orientimit, sepse çdo rezultat që arrijmë është fryt i këtij bashkëpunimi.

Ju siguroj se çdo përpjekje dhe çdo sakrificë e punonjësve të Policisë së Shtetit ka dhe do të ketë gjithmonë vetëm një qëllim, shërbimin ndaj jush dhe Atdheut”.

Kështu tha Drejtori i Përgjithshëm i Policisë së Shtetit, Drejtues Madhor Skënder Hita.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit