KUSH HA MË SHUMË PESTICIDE NË EUROPËN E BASHKUAR?

Agjencia Telegrafike Vox (Voks) | Italia ia del më mirë se Spanja dhe se Gjermania, por në rang europian, tendenca e përgjithshme është ajo e rritjes së mbetjeve të këtyre substancave në ushqim përtej kufijve ligjorë.

Mbetjet e pesticideve të gjetura në ushqim janë në rritje në të gjithë Evropën. Kjo është ajo që del nga raporti i fundit i prodhuar nga Autoriteti Evropian i Sigurisë Ushqimore (EFSA), bazuar në të dhënat për praninë e këtyre substancave në ushqime, nga gjithsej 87863 mostra të mbledhura në Bashkimin Europian.

Në Itali, nga 1492 mostra të analizuara, shkalla e mospërputhshmërisë është 0.4%. Në Spanjë, ku u analizuan 800 mostra, kjo rritet në 1.38%. Franca, ku u analizuan 2098 mostra, ndalet në 0.24%. Gjermania është më keq. Nga 2060 artikujt e analizuar nga Berlini, 1.12% rezultuan të ishin mbi kufijtë. Mesatarisht në Bashkimin Evropian, shkalla e mospërputhjes është 1.3%.

Verifikimi, i kompletuar me një hartë interaktive, u krye falë programit specifik të kontrollit të koordinuar nga BE-ja (Eucp), i cili në përgjithësi zbuloi se 97.9% e mostrave bien brenda kufijve të përcaktuar nga legjislacioni i BE-së.

Programi merr mostra të rastësishme nga 12 produkte ushqimore. Për vitin 2021, në fushën e fruta-perimeve, këto ishin: patëllxhanë, banane, brokoli, grejpfrut, pjepër, speca dhe rrush tryeze. Këtyre u shtohen: kërpudhat e kultivuara, vaji i ullirit të virgjër, gruri, yndyra e gjedhit dhe vezët e pulës.

Nga mostrat e analizuara në kuadër të programit të koordinuar: gjithsej, 295 mostra rezultuan të ishin të jashtëligjshme në nivel evropian, pra 2.1% përmbanin mbetje mbi nivelet e lejuara.

Programi përdor shporta të të njëjtave produkte në një rotacion tre-vjeçar, në mënyrë që të identifikohen tendencat në rritje ose në rënie. Falë këtij sistemi, doli se trendi i mbetjeve të pesticideve është në rritje, duke kaluar nga 1.4% në 2018 në 2.1% në 2021.

Në atë vit, Shtetet Anëtare kishin tërhequr vëmendjen për rritjen e pranisë së mbetjeve të pesticideve në grejpfrutin e importuar nga jo nga shtetet europiane, prandaj Komisioni Europian ka rritur kontrollet kufitare.

Rezultatet e përpunuara nga EFSA rrjedhin nga programet e monitorimit të kryera nga shtetet anëtare dhe Norvegjia. Sipas Autoritetit, produktet ushqimore të analizuara në vitin 2021 nuk kanë gjasa të përfaqësojnë problem për shëndetin e konsumatorit, përfundon raporti.