KUNDËRZBULIMI I SHËRBIMIT TË SIGURISË SË UKRAINËS (SBU) SHPËRBËU NJË RRJET PREJ 9 SPIUNËSH RUSË TË SHËRBIMIT TË SIGURISË RUSE (FSB) QË VEPRONIN NË 6 RAJONE | MIDIS TYRE ZYRTARË DHE 2 GRA.

Kiev, Ukrainë | Kundërzbulimi i Shërbimit të Sigurisë së Ukrainës (SBU) ka neutralizuar një rrjet agjentësh të Shërbimit të Sigurisë Ruse (FSB) të cilët jepnin informacione për të lehtësuar sulmet me raketa dhe dron kundër gjashtë rajoneve të Ukrainës.

“Si rezultat i një operacioni special me shumë faza, nëntë agjentë rusë u arrestuan njëkohësisht në rajonet Dnipro, Zaporizhzhia dhe Sumi (Sumy), si dhe në rajonet Donetsk, Odessa dhe Kirovohrad.

Për komplotin, pjesëmarrësit vepruan veçmas, por të udhëhequr nga një anëtar i stafit të FSB-së.

Identiteti i tij tashmë është konstatuar nga SBU”, thuhet në një deklaratë.

Grupi përfshinte dy gra: njëra prej tyre është një zyrtare e këshillit të qytetit Dnipro, tjetra është drejtoreshë e departamentit të këshillit të qytetit Juzhne (Yuzhne), të rajonit të Odesës.

Mes agjentëve rusë ishin edhe dy drejtues dhe një student universitar, të cilët ndiqnin lëvizjet e disa oficerëve të Forcave të Armatosura drejt frontit lindor.

Një tjetër tradhtar, lexojmë në shënimin e SBU, është një ish-anëtar i një milicie të shpërbërë me urdhër të qeverisë: ky i fundit raportoi para forcave ruse pasojat e një sulmi kundër një prej hidrocentraleve të Ukrainës.

Të gjithë elementët e grupit do të ishin rekrutuar në Telegram.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit