ELBASAN | BIZNESMENI KINEZ LI JIANHONG ME 200 MILIONË $ PASURI U PËRFSHI NË AKSIDENT AUTOMOBILISTIK; VDIQ.

Pamje fotografike amatore

Elbasan, Shqipëri | Strukturat vendore të Policisë së Shtetit morën dijeni se:

1- Z. Li Jianhong, kryetar dhe president i “Xinjiang Grand Scape Group” dhe themelues i resortit të skive “Silkroad Mountain” në Urumqi, u përfshi në aksident automobilistik në aksin rrugor “Librazhd-Elbasan”.

Për pasojë, vdiq.

Kush ishte i ndjeri?

Ai lindi në muajin dhjetor të vitit 1965, në qarkun Zepu, në prefekturën Kashgar, të Shinjangut (Xinjiang).

Në vitin 1993 ai la punën në një institut telekomunikacioni në Guangzhou për t’u kthyer në Shinjang (Xinjiang) dhe për të ndërtuar biznesin e tij.

Grupi “Xinjiang Grand Scape”, me aktivitete në telekomunikacion, turizëm dhe menaxhim investimesh, është shndërruar në një ndërmarrje të madhe me asete totale rreth 1.4 miliardë juanë (rreth 205 milionë dollarë).

Në tre vitet e fundit, kompania ka realizuar të ardhura prej afro 1.98 miliardë juanë dhe ka punësuar rreth 2500 veta.

Në vitin 2002, grupi ishte ndër themeluesit e “Xinjiang International Grand Bazaar”, një nga simbolet kryesore të qytetit Urumqi, nga i cili u tërhoq në vitin 2017.

Resorti “Silkroad Mountain”, i themeluar nga ai në vitin 2003, është një nga më të mëdhenjtë në Kinë dhe ka shërbyer si një nga vendet e garave për Lojërat Kombëtare Dimërore në vitin 2016.

Ai ishte i apasionuar pas skive dhe alpinizmit.

Ai përfundoi “Explorer’s Grand Slam”, duke ngjitur shtatë majat më të larta të botës dhe duke arritur në të dy polet.

Në vitin 2018, në moshën 53-vjeçare, ai arriti majën e Everestit dhe në të njëjtën periudhë edhe Lhotse-n, malin e katërt më të lartë në botë.

Pasuria e tij materiale llogaritej në mbi 200 milionë $.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit