JEMEN | NJË CISTERNË U SEKUESTRUA NGA SUBJEKTE TË ARMATOSUR NË GJIRIN E ADENIT.

Sanë, Jemen | “Roja bregdetare e Jemenit njoftoi se një tanker u sekuestrua në brigjet e provincës Shabuas (Shabwa) nga persona të panjohur të armatosur që hipën në anije”.

Kështu raportoi agjencia kanadeze Rojtërs (Reuters).

Sipas njoftimit, cisterna M/T Eureka u sekuestrua nga burra të armatosur, të cilët e drejtuan atë drejt Gjirit të Adenit, duke u drejtuar drejt ujërave somaleze.

Roja bregdetare e Jemenit tha se vendndodhja e cisternës ishte identifikuar dhe po bëhen përpjekje për ta lokalizuar, për të marrë masat e nevojshme për ta rikuperuar dhe për të siguruar sigurinë e ekuipazhit.

Më parë, Zyra e Operacioneve Detare të Mbretërisë së Bashkuar (UKMTO) raportoi se aktivitet i dyshimtë u regjistrua pranë portit të Mukalla-s në Jemen.

UKMTO-ja tha se mori një raport për një anije cisternë, së cilës iu afrua një varkë e vogël e shoqëruar nga një anije peshkimi, 84 milje detare në jugperëndim të portit të Mukalla-s, në bregdetin jugor të Jemenit.

Nuk është ende e qartë nëse raporti i UKMTO-së është i lidhur me deklaratën e rojes bregdetare të Jemenit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit