KUBË | PRESIDENTI MIGUEL DIAZ-KANEL (CANEL): SHPËTIMI I REVOLUCIONIT ËSHTË SFIDA MË E MADHE E BREZIT TONË; SISTEMI KAPITALIST ËSHTË NË KRIZË AKUTE.

Havanë, Kubë | “Shpëtimi i Revolucionit Kuban nga një nga kërcënimet më të rënda me të cilat është përballur në 67 vjet është sfida më e madhe e brezit tonë”.

Kështu tha presidenti kubanez Miguel Diaz-Kanel (Canel) në fjalimin e tij hapës në Konferencën Ndërkombëtare mbi “Trashëgiminë dhe të Ardhmen e Veprës së Fidel Kastros”, të mbajtur në Havanë si pjesë e festimeve për 100-vjetorin e udhëheqësit revolucionar.

Duke iu drejtuar 1500 delegatëve nga 63 vende, presidenti Diaz-Kanel (Canel) i falënderoi ata për aktin e tyre të guximit dhe koherencës, duke deklaruar se ardhja në Kubë sot, mes bllokadës në rritje dhe armiqësisë imperialiste, është një gjest solidariteti militant që nderon trashëgiminë e Fidelit.

Presidenti kubanez më pas riafirmoi fuqimisht progresin që i solli Kubës revolucioni që nga vitet e para të tij, duke e quajtur atë transformimin më radikal të shekullit të 20-të në këtë pjesë të botës.

“Gjashtëqind mijë kubanë të kualifikuar ishin të papunë, tre milionë nuk kishin qasje në energji elektrike, gjysma e popullsisë jetonte në lagje të varfra dhe 37.5% e kubanëve ishin analfabetë”, kujtoi ai, ndër të tjera.

Krahasuar me atë pikënisje, Diaz-Kanel (Canel) pohoi se Kuba sot ka zhdukur analfabetizmin dhe është vendi me jetëgjatësinë më të lartë në Amerikë, me 77.7 vjet.

Pasardhësi i ish-diktatorëve Fidel dhe Raul Kastro si president kubanez u kthye më pas për të denoncuar tërbimin imperialist të ShBA-ës që ka goditur ishullin me shtrëngimin e embargos ekonomike dhe energjetike të urdhëruar nga administrata amerikane e presidentit Danlld Tramp (Donald Trump).

Një gjenocid i llogaritur në milimetër, e quajti presidenti Diaz-Kanel (Canel), duke e përfunduar fjalimin e tij duke deklaruar, pavarësisht gjithçkaje, se kriza sistemike e kapitalizmit ka arritur në pikën e saj më akute.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit