KUBË | PRESIDENTI KOMUNIST MIGUEL DIAZ-KANEL (CANEL) I BËRI THIRRJE URGJENTE QEVERISË TË TRANSFORMOJË MODELIN EKONOMIK DHE SOCIAL PËR SHKAK TË KOLAPSIT QË KA PLLAKOSUR VENDIN.

Havanë, Kubë | “Ne duhet të përqendrohemi menjëherë në zbatimin e ndryshimeve urgjente dhe më të nevojshme që duhen bërë në modelin ekonomik dhe social”.

Kështu tha Presidenti Miguel Diaz-Kanel (Canel) - duke i kërkuar qeverisë të trajtojë krizën e thellë të shkaktuar nga shtrëngimi i bllokadës amerikane dhe ndalimi i furnizimeve me naftë bruto nga Venezuela.

Plani i ri i shpëtimit thekson autonominë vendore dhe aleancat tregtare midis shtetit dhe sektorit privat.

Kryeministri Manuel Marrero Kruz (Cruz) përsëriti se prioritetet kryesore të vendit janë prodhimi i ushqimit dhe ndryshimet në rrjetin elektrik, i cili, vazhdimisht preket nga ndërprerje të rënda.

Në frontin e tregtisë, Ministri i Ekonomisë Zhoakuin (Joaquín) Alonso Vaskuez (Vázquez) pranoi rënien e shitjeve të huaja, të nxitur vetëm nga mallrat tradicionale si duhani, karavidhet, rumi dhe produktet farmaceutike.

Ndërkohë, Ministri i Energjisë Vinsente de la O Levi (Vicente de la O Levy) u ankua për ritmin e ngadaltë të tranzicionit diellor në komuna.

Kufizimet e rrepta të Amerikës së Veriut vazhdojnë ta pengojnë Kubën e sunduar nga komunistët, e cila, humbi gati 8 miliardë dollarë ($) të ardhura në një vit të vetëm.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit