KUBË | KOMUNISTËT E REPUBLIKËS POPULLORE TË KINËS DHURUAN 5 MIJË SISTEME FOTOVOLTAIKE PËR QEVERINË E KOMUNISTËVE KUBANË.

Havanë, Kubë | “Presidenti Miguel Diaz-Kanel (Canel) shprehu mirënjohjen e tij ndaj Kinës për një donacion të ri prej 5 mijë sistemesh fotovoltaike që mbërritën së fundmi në vend, i cili aktualisht po përballet me një krizë serioze energjetike”.

Kështu raportoi agjencia spanjolle e lajmeve “Efe”.

“Ne e vlerësojmë thellësisht këtë gjest nga populli dhe qeveria kineze; ai plotëson përpjekjet që Kuba po bën për të transformuar përzierjen e saj të energjisë në kontekstin e bllokadës gjenocidale”, - tha presidenti Kanel (Canel).

“Dy ditë më parë, ambasada kineze në Havanë dorëzoi një donacion të ri prej 5 mijë sistemesh fotovoltaike, që synojnë të sigurojnë energji elektrike për shtëpitë rurale në 169 komunat e Kubës”.

Kështu u tha në një deklarate nga ministria kubane e Tregtisë dhe Investimeve të Jashtme.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit