KUBË | GJYSMA E KUBËS PA ENERGJI ELEKTRIKE; 4.5 MILIONË NJERËZ NË TERR; PARTIA KOMUNISTE FAJËSON IMPERIALISTËT AMERIKANË.

Havanë, Kubë | Një tjetër ndërprerje e përgjithshme e energjisë ngjau në Kubë; gjatë natës, shtatë nga 15 provincat, përfshirë Havanën, mbetën pa energji elektrike pas një defekti në rrjetin elektrik, duke lënë afërsisht 4.5 milionë banorë (pothuajse gjysmën e vendit) në errësirë të plotë.

Unioni Kuban i Energjisë Elektrike (UNE, kompania shtetërore e energjisë elektrike) raportoi në rrjetin shoqëror virtual Iks (X) se në orën 6:07 pasdite sipas orës lokale (00:07 në Shqipëri) ndodhi një defekt i pjesshëm i sistemit kombëtar elektrik nga provinca e Pinar del Rio deri në Sienfuegos-Matanzas për shkak të dëmtimit të rrjetit, i cili preku pjesën perëndimore të ishullit, përfshirë kryeqytetin.

Në javët e fundit, ndërprerjet e energjisë elektrike kanë tejkaluar 30 orë rresht në Havanë, ndërsa në pjesën tjetër të vendit ato mund të zgjasin disa ditë.

Që nga fillimi i vitit, ka pasur pesë ndërprerje të përhapura, tre prej të cilave ndodhën në korrik dhe në më pak se dhjetë ditë.

Qeveria e kuqe fajëson imperialistët amerikanë për bllokadën e vendosur ndaj saj.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit