KUBË | 72% E VENDIT PA ENERGJI ELEKTRIKE; PARTIA KOMUNISTE KA ZËNË KOKËN ME DORË.

Havanë, Kubë | “Kuba po përgatitet të regjistrojë një numër të ri rekord ndërprerjesh të energjisë sot, me 72% të vendit që pritet të jetë pa energji elektrike gjatë orëve të pikut të konsumit”.

Kështu parashikoi Unioni i Energjisë Elektrike (UNE), kompania shtetërore që menaxhon rrjetin kombëtar.

Gjatë orëve të pikut, vetëm 1000 megavat kapacitet gjenerues do të jenë të disponueshëm, krahasuar me një kërkesë të vlerësuar prej 3100 megavatësh, duke rezultuar në një deficit prej 2200 megavatësh dhe një ndërprerje të parashikuar prej 2230 megavatësh.

10 nga 16 termocentralet e Kubës janë jashtë funksionit për shkak të avarive ose mirëmbajtjes.

Mbi njëqind motorë gjenerues dhe disa termocentrale lundruese janë jashtë funksionit për shkak të mungesës së karburantit.

Rekordi i mëparshëm ishte të premten e kaluar, kur ndërprerjet e energjisë elektrike prekën njëkohësisht 71% të vendit.

Qeveria komuniste kubaneze e quan krizën energjitike akute, kritike dhe jashtëzakonisht të tensionuar, ndërsa ekspertët ia atribuojnë atë përkeqësimit të infrastrukturës, mungesës kronike të investimeve dhe mungesës së karburantit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit