KRYEMINISTRJA E REPUBLIKËS SË ITALISË XHORXHA (GIORGIA) MELONI: PALESTINA PA HAMASIN ËSHTË KUSHT PËR NJOHJE.

Romë, Itali | “Hamasi duhet të pranojë se nuk do të ketë asnjë rol në qeverisjen kalimtare dhe në shtetin e ardhshëm palestinez, dhe duhet të çarmatoset, për të parandaluar që të vazhdojë të paraqesë një kërcënim për stabilitetin rajonal.

Edhe ditët e fundit kemi parë prova të egërsisë së kësaj organizate edhe ndaj vetë palestinezëve, në një seri të rrezikshme ekzekutimesh të shpejta që i konsiderojmë të papranueshme.

Këto janë gjithashtu parakushtet e nevojshme për njohjen e Shtetit të Palestinës nga Italia, siç është treguar edhe nga ky Parlament.

Qeveria është e gatshme të veprojë në përputhje me rrethanat sapo të jenë materializuar këto kushte”.

Kjo ishte deklarata e Kryeministres së Republikës së Italisë Xhorxha (Giorgia) Meloni në Senat, përpara Këshillit Evropian.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit