___.png)
KRYEMINISTRI SLLOVAK ROBERT FIKO (FICO): SLLOVAKIA NUK DO TË JETË PJESË E SKEMËS SË BASHKIMIT EVROPIAN PËR FINANCIMIN E NEVOJAVE USHTARAKE TË UKRAINËS.
- Agjencia Telegrafike Vox
- 31 minutes ago
- 2 min read
Bratisllavë, Sllovaki | “Sllovakia nuk do të marrë pjesë në asnjë program të Bashkimit Evropian që synon financimin e ndihmës ushtarake për Ukrainën në luftën e saj kundër pushtimit rus”, tha të dielën kryeministri Robert Fiko (Fico).
Sllovakia ndaloi ndihmën ushtarake shtetërore për Ukrainën kur qeveria e Kryeministrit Fiko (Fico) erdhi në pushtet në vitin 2023, por ende ka lejuar shitjet komerciale.
Ajo ndryshon mendim nga shtetet e Bashkimit Evropian për luftën, duke thënë se një zgjidhje nuk është në fushën e betejës.
Udhëheqësit e Bashkimit Evropian ranë dakord të enjten të përmbushin nevojat urgjente financiare të Ukrainës për dy vitet e ardhshme, por, u tërhoqën nga miratimi i një plani për të përdorur asetet e ngrira ruse për të financuar një kredi prej 140 miliardë € për Ukrainën.
Presidenti ukrainas Volodimir Zelenski ka thënë se paratë mund të përdoren menjëherë për të forcuar mbrojtjen ajrore të Ukrainës, flotën ajrore dhe pozicionet në vijën e frontit.
“Unë refuzoj të lejoj Sllovakinë të marrë pjesë në çdo skemë financiare që synon të ndihmojë Ukrainën në menaxhimin e luftës dhe shpenzimeve ushtarake”, tha Kryeministri Fiko (Fico) në një konferencë për shtyp të transmetuar në televizion.
Kryeministri Fiko (Fico) ka kritikuar gjithashtu sanksionet e Bashkimit Evropian kundër Rusisë për luftën e saj në Ukrainë, duke thënë se ato e dëmtojnë më shumë Evropën.
Sllovakia dhe Hungaria, të dyja blerëse të furnizimeve ruse me energji, tani përballen me sanksionet e ShBA-ës ndaj kompanive ruse të naftës Rosneft dhe Lukoil që pritet të hyjnë në fuqi muajin e ardhshëm.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments