KOSTA DEL SOL; MALAGA; ANDALUZI | TRE QYTETARË SHQIPTARË NË NDJEKJE POLICORE U PËRFSHINË NË AKSIDENT; U DOGJËN TË GJALLË; NJË PUNONJËS I POLICISË KOMBËTARE (ANTONIO RAMOS) VDIQ.

Kosta del Sol, Malaga, Andaluzi, Mbretëria e Spanjës | Strukturat vendore të Policisë Kombëtare u vunë në ndjekje të një automjeti ku udhëtonin tre qytetarë shqiptarë.

Si pasojë e ngarjes së automjetit me shpejtësi automjeti i tyre u përfshi në aksident automobilistik dhe mori zjarr duke bërë që ata të digjeshin brenda tij.

Ata ishin të dyshuar për dhjetëra krime ordinere të kryera në Kosta (Costa) del Sol.

Në aksident automobilistik vdiq edhe një punonjës i Policisë Kombëtare (nënkomisari Antonio Ramos, me moshë 48 vjeç).

Ndjekja policore ndaj tyre filloi të enjten, në mëngjes, rreth orës 05:30, kur ata sapo ata kishin vjedhur një farmaci në lagjen Puerto de la Torre.

Autoritetet spanjolle po kryejnë veprime proceduriale penale për t’i identifikuar dhe për t’i bërë me dije publikut gjeneralitetet e tyre.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit