MADRID; MBRETËRIA E SPANJËS | VDIQ MANOLI; TIFOZI LEGJENDAR I KOMBËTARES SË SPANJËS NË TOPAKËMBAS.

Madrid, Mbretëria e Spanjës | Në moshën 76 vjeç, Manuel Kaseres (Cáceres), i njohur më mirë si Manolo, vdiq.

Ai ishte tifozi legjendar i Kombëtares Spanjolle, i cili, u bë i njohur në mbarë botën për dalullen dhe kapelat e tij.

Një shenjë dalluese në çdo paraqitje të tij në fushë.

Ai u bë i njohur në Kupën e Botës 1982 në Spanjë, kur u shfaq për herë të parë me daullen e tij. Ai është shfaqur në dhjetë Kupa Bote që atëherë, deri në Katar në vitin 2022. Gjithmonë duke fituar respektin e të gjithë tifozëve të tjerë.

Ai jetoi në zonën e Monkofarit (Moncófar) në vitet e fundit të jetës së tij dhe arriti ta shihte Spanjën në “Mestalla” në ndeshjen kundër Holandës për Ligën e Kombeve më 24 mars të vitit të kaluar.

Ai kishte hapur një bar përballë selisë historike të Valencias, i cili, funksionoi për më shumë se tre dekada.

Ai shkoi në disa klube për të parë ndeshjet e tyre, si Zaragoza dhe shumë të tjera.

Por, pasioni i tij ishte gjithmonë Kombëtarja Spanjolle.

Në fakt, llogaria zyrtare e “Fouria Rocha” lëshoi ​​një deklaratë në lidhje me tifozin legjendar.

“Një nga ndjekësit tanë më besnikë ka vdekur. Dikush që ishte gjithmonë pranë nesh në të mirë dhe në të keq. E dimë që do të vazhdosh të na bësh zemrat të rrahin shpejt. U prehsh në paqe, Manolo. Ngushëllimet tona të sinqerta për familjen dhe miqtë tuaj”, thuhet në shënim zyrtar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit