KOREJA E VERIUT BLLOKOI RRUGËT DHE HEKURUDHAT DREJT KORESË SË JUGUT | STRUKTURA MË TË FORTA MBROJTJEJE NË PËRGJIGJE TË MANOVRAVE USHTARAKE SEUL-USHINGTON.

Seul, Kore e Jugut | Ushtria e Koresë së Veriut ka njoftuar se do të bllokojë rrugët dhe hekurudhat që lidhen me Korenë e Jugut nga sot, duke synuar gjithashtu të ndërtojë struktura të forta mbrojtëse në përgjigje të manovrave të përbashkëta ushtarake të Seulit dhe Uashingtonit.

“Më 9 tetor 2024, do të nisë një projekt për të shkëputur plotësisht rrugët dhe hekurudhat me Korenë e Jugut dhe për të forcuar zonat përkatëse nga ana jonë me struktura të forta mbrojtëse”, raportoi Shtabi i Përgjithshëm i Ushtrisë Popullore të Koresë, sipas një dërgese të rinisur nga agjencia shtetërore KCNA.

Ushtria e Koresë së Verit raportoi se u kishte dërguar një mesazh telefonik trupave amerikane në jug këtë mëngjes për të parandaluar gjykimet e gabuara dhe konfliktin aksidental mbi projektin e fortifikimit.

Shtetet e Bashkuara kanë stacionuar rreth 28000 trupa në Jug për të penguar agresionin e mundshëm të Veriut, një trashëgimi e Luftës Koreane të viteve 1950-1953 që përfundoi me një armëpushim dhe jo me një traktat paqeje.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit