KORE E VERIUT | ISH-KREU CEREMONIAL I SHTETIT KIM JONG (YONG) NAM VDIQ NË MOSHËN 97 VJEÇ; U SHËRBEU 3 DIKTATORËVE; I VETMI QË NUK U SPASTRUA.

Z. Kim Jong (Yong) Nam duke folur në Sallën e Asamblesë Mansudae në Phenian në vitin 2013.

Phenian, Kore e Veriut | “Kim Jong (Yong) Nam, i vetmi person jashtë dinastisë së familjes në pushtet Kim që shërbeu si kreu nominal i shtetit të Koresë së Veriut, ka vdekur”.

Kështu raportuan mediat shtetërore.

“Kim Jong (Yong) Nam, ish-kryetari i Presidiumit të Asamblesë Supreme Popullore të vendit dhe një diplomat i vjetër që u shërbeu të tre udhëheqësve të vendit, vdiq të hënën në moshën 97 vjeç”, tha media shtetërore “KCNA”.

“Udhëheqësi i Koresë së Veriut, Kim Jong (Jong) Un, vizitoi arkivolin e Kim Jong (Yong) Nam-it për të shprehur ngushëllime herët të martën”, tha media shtetërore “KCNA”.

I paprekur kurrë më shumë se një figurë kryesore në një vend të kontrolluar fort nga një diktaturë familjare, pozicioni unik i Kim Jong (Yong) Nam-it si kreu ceremonial i shtetit nga viti 1998 deri në daljen e tij në pension në vitin 2019 e bëri atë fytyrën e momenteve kyçe diplomatike.

“Pavarësisht se pati një rol kryesisht ceremonial në pjesën e dytë të karrierës së tij, Kim Jong (Yong) Nam pati një shkallë të lartë ndikimi përmes lidhjeve të patronazhit me diplomatët dhe personelin e shërbimit të jashtëm të Koresë së Veriut”, tha z. Majkll (Michael) Madden, ekspert i lidershipit të Koresë së Veriut me Qendrën Stimson me seli në ShBA-ës.

I lindur në vitin 1928, z. Nam shërbeu në pozicione kyçe në ministrinë e jashtme dhe ndihmoi në formësimin e diplomacisë së Koresë së Veriut nën themeluesin e shtetit Kim Il Sung, përpara se të merrte në dorë diplomacinë e samiteve dhe të përfaqësonte Veriun e izoluar nën diktatorin Kim Jong Il.

“Ai ishte i vetmi zyrtar i lartë i njohur i Koresë së Veriut që nuk u spastrua, u dërgua poshtë dhe nuk u ndëshkua kurrë nga Kim Jong Il apo Kim Il Sung”, tha z. Madden.

Nën drejtimin e Koresë së Veriut nga diktatori Kim Jong Un, ai vazhdoi të shërbente si fytyra diplomatike e Koresë së Veriut, duke mirëpritur vizitorë të nivelit të lartë në Phenian dhe duke vizituar Korenë e Jugut në vitin 2018 si kreu i delegacionit të Koresë së Veriut në Lojërat Olimpike Dimërore, ku zhvilloi një takim me presidentin e atëhershëm të Koresë së Jugut, Moon Jae-in.

“Koreja e Veriut do të mbajë një funeral shtetëror”, tha media shtetërore “KCNA”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit