KORE E JUGUT | PARLAMENTI I DOMINUAR NGA E MAJTA LIBERALE MIRATOI PROJEKTLIGJIN E DISKUTUESHËM PËR LAJMET E RREME | KONSERVATORËT E DENONCUAN SI AKT CENSURE.

Seul, Kore e Jugut | Legjislatura e udhëhequr nga liberalët e Koresë së Jugut miratoi një projektligj që u ndalon mediave tradicionale dhe online të botojnë informacione të rreme ose të fabrikuara.

Projektligji autorizon dëmshpërblime të konsiderueshme ndëshkuese që synojnë mediat e lajmeve dhe ngre shqetësime në lidhje me rritjen e censurës.

Partia Konservatore nisi një pengesë, por Partia Demokratike i dha fund asaj 24 orë më vonë dhe e miratoi projektligjin me 170 vota pro nga 177 anëtarë të pranishëm.

Projektligji zgjeron fushëveprimin e sanksioneve dhe përkufizimin e përmbajtjes së paligjshme për të përfshirë shpifjen, nxitjen për diskriminim dhe informacionin e rremë.

Demokratët argumentojnë se projektligji synon të kundërshtojë një kërcënim në rritje të lajmeve të rreme dhe dezinformimit që, sipas tyre, sfidon demokracinë.

Projektligji do t'u lejonte gjykatave të caktonin deri në pesëfishin e shumës së humbjeve të provuara në dëmshpërblime ndëshkuese.

Grupet e gazetarëve dhe mbrojtësit e lirive civile kritikuan formulimin e paqartë të projektligjit në lidhje me llojin e përmbajtjes që mbulohet dhe mungesën e mbrojtjes së shtypit.

Ata i kërkuan Presidentit Li (Lee) të vërë veton ndaj projektligjit për të parandaluar çdo shkelje të mundshme të lirisë së shtypit dhe të shprehjes.

Z. Song Ji-Won, një avokat përfaqësues në Institutin e Ligjit të Komunikimit, tha se vlera e informacionit në tërësi duhet të merret në konsideratë, pasi në disa skenarë, një video e tërë mund të hiqet për një fjali të vetme të pavërtetë.

Pas  shkarkimit të  ish-Presidentit Jun Suk Jeol (Yoon Suk Yeol) në vitin 2024, kombi ka përjetuar një  përçarje të thellë ideologjike dhe një popullaritet në rritje të teorive të çuditshme konspirative midis YouTuber-ave të krahut të djathtë, të cilët e portretizojnë ish-Presidentin Jun (Yoon) si viktimë të së majtës politike.

Pas betejës ideologjike, media online është polarizuar me një rritje të gjuhës së urrejtjes dhe informacionit të rremë.

Demokratët vunë në dukje domosdoshmërinë e rregullimit të përhapjes së informacionit të rremë dhe të sajuar dhe gjuhës së urrejtjes që përdoret për të shkaktuar dëm ose për të kërkuar fitim.

Muajin e kaluar, ish-Presidentit Jun Suk Jeol (Yoon Suk Yeol) u padit për fshehjen e dyshuar të një hetimi ushtarak, dhe një tjetër ish-udhëheqës i shquar i Koresë së Jugut u padit gjithashtu për ligjin ushtarak të dhjetorit 2024, duke kontribuar në një klimë të paqëndrueshme politike.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit