KORE E JUGUT | ISH-KRYEMINISTRI HAN DUCK-SOO U DËNUA ME 23 VJET BURG PËR GJENDJEN E JASHTËZAKONSHME USHTARAKE; AKTUALISHT ËSHTË 76 VJEÇ.

Seul, Kore e Jugut | “Ish-kryeministri i Koresë së Jugut, Han Dak (Duck)-soo, është dënuar me 23 vjet burg për rolin e tij në përpjekjen për vendosjen e ligjit ushtarak më 3 dhjetor 2024”.

Kështu raporton agjencia koreano-jugore e lajmeve “Yonhap”.

“Ai injoroi detyrën dhe përgjegjësinë e tij si kryeministër deri në fund”, tha z. Li (Lee) Jin-guan (gwan), gjyqtar në Gjykatën e Qarkut Qendror të Seulit, gjatë leximit të vendimit, të transmetuar drejtpërdrejt në televizion.

“Ne e dënojmë të pandehurin me 23 vjet burg”, tha ai.

Ish-kryeministri, sipas gjykatës, luajti një rol të rëndësishëm në përpjekjen e ngathët dhe të shkurtër të ish-Presidentit Jun (Yoon) për të shpallur gjendjen ushtarake, i cili, është në pritje të një kërkese proceduriale penale nga Zyra e Prokurorit të Posaçëm (Special) për një dënim me vdekje për kryengritje.

Gjykata e Qarkut Qendror lëshoi ​​vendimin e parë në rastin që shkaktoi krizën më serioze dhe dramatike institucionale të demokracisë së re të Koresë së Jugut, më e keqja që nga fundi i sundimit ushtarak 40 vjet më parë.

Ekipi i Prokurorit të Posaçëm (Special) Ço (Cho) Eun-suk kishte kërkuar një dënim me 15 vjet burg për ish-Kryeministrin Han me akuzat për ndihmë dhe inkurajim të kryengritjes, duke e akuzuar atë se kishte luajtur një rol kyç në zbatimin e planit për të përmbysur rendin demokratik dhe për dëshmi të rreme.

Besohet se ish-Kryeministri Han ka luajtur një rol të rëndësishëm në aktet e kryengritjes së ish-Presidentit Jun (Yoon) dhe të tjerëve, duke siguruar, të paktën formalisht, pajtueshmërinë me kërkesat procedurale - tha gjyqtari Li (Lee), duke nënvizuar se, megjithëse i pandehuri i shprehu shqetësime ish-Presidentit Jun (Yoon) në lidhje me vendimin e tij, ai nuk e kundërshtoi në mënyrë të qartë ose nuk i nxiti anëtarët e tjerë të qeverisë për ta dekurajuar atë.

Gjatë gjyqit të tij, ish-kryeministri mohoi çdo shkelje, duke këmbëngulur se ai kurrë nuk e mbështeti ose favorizoi shpalljen e gjendjes së jashtëzakonshme.

Pasi ish-Presidenti Jun (Yoon) u shkarkua nga detyra në prill 2025 pas shkarkimit të vërtetuar nga Gjykata Kushtetuese, ish-Kryeministri Han mori rolin e presidentit të përkohshëm dhe në një moment u pa si një kandidat i fortë konservator në zgjedhjet e parakohshme të vitit të kaluar.

Ai dha dorëheqjen në maj për të ndjekur një kandidaturë presidenciale, e cila, dështoi shpejt kur partia e ish-Presidentit Jun (Yoon) refuzoi ta emëronte atë si udhëheqës të saj.

Ish-Kryeministri Han, me moshë 76 vjeç, u urdhërua të transportohej menjëherë në burg pas njoftimit të vendimit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit