KOLUMBI | QEVERIA E DJATHTË E PRESIDENTIT ABELARDO DE LA ESPRIELLA ANULOI KUFIZIMET JURIDIKE NË MINIERA DHE NË PRODHIMIN E NAFTËS NË DHJETË DISTRIKTE.

Bogotë, Kolumbi | “Qeveria e djathtë ka anuluar (revokuar) rezolutat që kufizonin eksplorimin dhe nxjerrjen e burimeve natyrore në dhjetë nga rrethet minerare të vendit”.

Kështu njoftoi ministrja e Minierave dhe Energjisë, Maria Nohemi Arboleda, gjatë një aktiviteti në Kartagjenë, duke shpjeguar se masat ishin miratuar nga administrata e mëparshme.

“Rrethinat minerare, të projektuara për të organizuar përdorimin e tokës dhe për të mbështetur rajonet minerare, janë përdorur për të parandaluar ose zëvendësuar aktivitetin minerar.

Ato ishin projektuar keq dhe, si rezultat, dekurajuan investimet dhe eksplorimin”, - tha ajo.

Vendimi është pjesë e strategjisë së qeverisë së re të krahut të djathtë të presidentit Abelardo De La Espriella, i cili ka premtuar të heqë kufizimet në eksplorimin e naftës dhe mineraleve për të nxitur ekonominë.

Sipas të dhënave të paraqitura nga ministrja Arboleda, eksportet e minierave ranë me 21% midis viteve 2022 dhe 2025, në 16.06 miliardë dollarë ($), ndërsa investimet e huaja direkte në sektor ranë me 88%, në 178 milionë dollarë ($).

Kolumbia mund të tërheqë deri në 4 miliardë dollarë ($) investime në miniera deri në vitin 2030.

Kolumbia ka rezerva të konsiderueshme bakri, ari, qymyri dhe nikeli.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit