KOLUMBI | QEVERIA E DJATHTË RIHAPI PROCESIN E SPËRKATJES AJRORE ME GLIFOSAT PËR TË ZHDUKUR BIMËT E KOKËS NGA TË CILAT PRODHOHET KOKAINA.

Bogotë, Kolumbi | Qeveria ndërmori hapin e parë drejt rifillimit të spërkatjes ajrore me glifosat për të zhdukur të mbjellat e kokës, duke anuluar (revokuar) rregulloren që kishte pezulluar përdorimin e tij që nga viti 2015.

Vendimi u miratua nga Këshilli Kombëtar për Narkotikët dhe ka të bëjë me masën që kishte bllokuar përdorimin e herbicidit pas shqetësimeve rreth rreziqeve të mundshme shëndetësore dhe dëmtimeve të të korrave përreth.

Qeveria e udhëhequr nga presidenti i djathtë Abelardo de la Espriella e justifikoi revokimin duke cituar opinione dhe vendime nga Gjykata Supreme e Shteteve të Bashkuara të Amerikës, Agjencia Ndërkombëtare për Kërkime mbi Kancerin (IARC) dhe Agjencia e Mbrojtjes së Mjedisit e Shteteve të Bashkuara (EPA), duke argumentuar se këto vlerësime nuk pohojnë rreziqet e kancerit që i atribuohen glifosatit.

Megjithatë, vendimi nuk çon në rifillimin e menjëhershëm të spërkatjes ajrore.

Një vendim i vitit 2017 nga Gjykata Kushtetuese Kolumbiane përcakton një sërë kushtesh që qeveria duhet të përmbushë para se të riaktivizojë programin.

Këto kërkesa përfshijnë miratimin e një plani menaxhimi mjedisor nga Autoriteti Kombëtar i Licencimit Mjedisor, një opinion të favorshëm nga Instituti Kombëtar i Shëndetit dhe konsultime paraprake me komunitetet potencialisht të prekura.

Do të kërkohet gjithashtu miratimi nga popullatat që mund të preken nga operacionet e spërkatjes.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit