KAMAJORE (CAMAIORE); LUKA (LUCCA) | U ARRESTUA PIERO MORIKONI (MORICONI); DORASN NË VRASJEN E BASHKËSHORTES KETI (KETY) ANDREONI DHE TË TË BIRIT MIRKO MORIKONI (MORICONI).

Kamajore (Camaiore), Luka (Lucca), Itali | Në funksion të luftës institucionale ndaj Agjenturës së Krimit Ordiner strukturat vendore të Policisë së Shtetit (Polizia di Stato) arrestuan:

1- Z. Piero Morikoni (Moriconi), me moshë 63 vjeç, punëtor ndërtimi.

Ai konsiderohet doras në vrasjen e:

1- Bashkëshortes së tij, znj. Keti (Kety) Andreoni, me moshë 52 vjeçe, shtëpiake.

2- Djalit të tyre, z. Mirko Morikoni (Moriconi), me moshë 24 vjeç, kamerier dhe këngëtar amator.

Më pas ai u ul në një bordurë duke pritur mbërritjen e karabinierëve.

Një postim nga i riu viktimë pati shkruar në vitin 2022 se:

1- “Është e tmerrshme të mendosh se një baba do të preferonte të të vdiste sesa të ishe gej”.

Vrasja e dyfishtë ndodhi kur Mirko u kthye në shtëpi nga dreka te tezja e tij, e cila jeton ngjitur me shtëpinë e prindërve të tij, rreth orës 14:30.

Të shtënat me armë zjarri thyen heshtjen e rrugës së Bregut (via della Costa) dhe fqinjët, disa prej të cilëve të afërm, nxituan drejt tyre.

Ata e gjetën Piero Morikonin të ulur. Ai e kishte futur tashmë armën, e cila ishte regjistruar siç duhet, në shtëpi, ndërsa trupat e Ketit dhe të Mirkos ishin shtrirë në tokë në kopsht.

Ai i qëlloi të dy në stomak.

“I hoqa qafe”, thuhet se u tha ai të afërmve dhe fqinjëve para se të mbërrinin karabinierët.

Për njëfarë kohe, sipas rrëfimeve të atyre që jetojnë në zonë, situata familjare dukej e trazuar nga debatet dhe mosmarrëveshjet.

Në fshatin e vogël, shumë njerëz, pjesërisht për shkak të marrëdhënies familjare, kishin vënë re shenja shqetësimi tek vrasësi.

Një kunat, z. Xhovani Mallenji (Giovanni Mallegni), u tha gazetarëve se familja e tij e shqetësonte.

“Ai ishte një njeri me natyrë të mirë, të gjithë e thonë këtë, por ai nuk mund ta duronte më. Çfarë e shqetësonte saktësisht është e paqartë. Në atë shtëpi, ata bërtisnin, madje donin ta godisnin, kur vinte në shtëpinë time ndonjëherë, mund të kuptoje se diçka nuk shkonte dhe gruaja ime më thoshte gjithashtu se shpresojmë që Piero të mos bëjë asgjë”, tha ai.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit