IZRAELI MOHON TË KETË GISHT NË SHPËRTHIMET NË IRAN.

Jeruzalem, Izarel | “Izraeli nuk është i përfshirë në serinë e shpërthimeve që ndodhën sot në Iran”.

Kështu raporton enti mediatik izraelit “Times of Israel”.

Sipas medias shtetërore iraniane, një shpërthim ndodhi në një ndërtesë banimi në qytetin bregdetar të Gjirit, Bandar Abbas, duke shtuar megjithatë se shkaku i shpërthimit nuk dihet ende.

Televizioni shtetëror deklaron se shpërthimi ndodhi në një ndërtesë tetëkatëshe, duke shkatërruar dy kate, disa automjete dhe dyqane në zonën e Bulevardit Moallem të qytetit.

Përveç kësaj, në provincën jugperëndimore të Iranit, Khuzestan, katër persona u vranë në një shpërthim të dukshëm gazi që ndodhi në lagjen Kianshahr të qytetit të Ahvazit.

Media shtetërore deklaron se të dy shpërthimet janë nën hetim, por nuk kanë dhënë informacione të mëtejshme.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit