IRANI PO SHKUNDET NGA SHPËRTHIMET NËPËR QYTETE TË NDRYSHME | GJER MË TASH 1 I VDEKUR + 14 TË PLAGOSUR.

Teheran, Iran | Mediat shtetërore iraniane raportuan për një shpërthim në një ndërtesë në një port të Gjirit.

Shkaku është ende i panjohur.

Shpërthimi ndodhi në një ndërtesë në qytetin iranian Bandar Abbas, në bregdetin e Gjirit.

Televizioni shtetëror raportoi se shpërthimi ndodhi në një ndërtesë tetëkatëshe, duke shkatërruar dy kate, disa automjete dhe dyqane në zonën e Bulevardit Moallem të qytetit.

Ekipet e shpëtimit dhe zjarrfikësit nxituan në vendngjarje për të ofruar ndihmë.

Përveç shpërthimit në një ndërtesë në Bandar Abbas, shkaku i të cilit është ende nën hetim dhe lëndimeve të raportuara në spital, shpërthime u raportuan sot në dy qytetet Khorramshahr dhe Abadan, në provincën jugperëndimore të Khuzestan-it, rreth 50 kilometra nga Gjiri Persik.

Agjencia vendore e lajmeve “IRNA” raportoi se incidentet lidheshin me eksplozivë të mbetur nga lufta Iran-Irak e viteve 1980, pranë kufirit me Irakun.

“Një tjetër shpërthim ndodhi në qytetin provincial të Ahvazit, Khuzestan, duke vrarë katër persona, i lidhur me një rrjedhje gazi”, raportuan mediat shtetërore.

Me tensionet midis Iranit dhe Shteteve të Bashkuara që po përshkallëzohen ditët e fundit, ka pasur raportime për shpërthime dhe aktivizimin e sistemit mbrojtës në Teheran, si dhe shpërthime të forta në pjesën lindore të kryeqytetit, ku ndodhen disa centrale bërthamore, ditët e fundit.

Shpërthime u dëgjuan edhe në qytete të tjera, përfshirë në Dezful dhe Isfahan, për të cilat qeveria nuk ka lëshuar asnjë deklaratë.

Lajm në përditësim, … 👇👇👇

Një i vdekur dhe 14 të plagosur në një shpërthim në Bandar Abbas.

“Drejtori i përgjithshëm i Menaxhimit të Krizave në Hormozgan tha se shpërthimi në portin e Bandar Abbas deri më tani ka shkaktuar 14 të plagosur dhe një të vdekur”.

Kështu raportoi enti mediatik iranian me seli në Londër “Iran International”.

Lajm në përditësim, … 👇👇👇

Agjencia gjysmëzyrtare e lajmeve “Tasnim” tha se raportimet e mediave sociale se një komandant i marinës së Gardës Revolucionare, Gjenerali Tangsiri, ishte shënjestër e shpërthimit ishin plotësisht të rreme.

Lajm në përditësim, … 👇👇👇

Garda Revolucionare e Iranit ka mohuar se shpërthimi në një ndërtesë banimi në qytetin bregdetar Bandar Abbas - shkaku i të cilit është ende nën hetim - kishte për qëllim një komandant të saj, duke i quajtur thashethemet që qarkullojnë në mediat sociale të pabaza.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit