ITALI | TAULANT TOMA U ARRATIS NGA BURGU I OPERAS; DËNIMI PENAL I MBARONTE NË VITIN 2048; E KATËRTA HERË QË ARRATISET NGA BURGJET ITALIANE.

Z. Taulant Toma

Milano, Itali | Një arratisje si në film nga burgu i Operas së Milanos ngjau mbrëmë.

Z. Taulant Toma

Një i burgosur 41-vjeçar shqiptar, dënimi i të cilit përfundon në tetor 2048, u arratis nga burgu i Operas së Milanos në mënyrën më klasike; duke prerë hekurat e dritares dhe duke u ulur me çarçafë të lidhur.

Kjo u njoftua nga z. Xhenarino  De Facio (Gennarino De Fazio), Sekretari i Përgjithshëm i Policisë së Burgjeve të Uilpës.

“Ende është e paqartë se si arriti të ngjitej mbi mure dhe nëse gëzonte bashkëpunim të jashtëm.

Ajo që është e sigurt është se ky episod i fundit, i kombinuar me dramën që përjetohet çdo ditë në burgje dhe gjithçka që po ndodh, vërteton më tej dështimin e politikave të burgjeve të ndjekura nga qeveritë gjatë të paktën 25 viteve të fundit, përfshirë ato më të fundit.

Policia e Burgjeve dhe agjencitë e tjera të zbatimit të ligjit po kërkojnë aktualisht të arratisurin dhe jemi të bindur se Njësia Qendrore Hetimore e Policisë së Burgjeve dhe degët e saj vendore do të jenë në gjendje ta zgjidhin situatën edhe këtë herë.

Por është e qartë se nuk mund të ecim përpara duke mbyllur boshllëqe të të gjitha llojeve dhe pa një plan real dhe konkret të denjë për një vend të civilizuar”, tha ai.

“Në burgun e Operas, 1338 të burgosur janë të ngjeshur në 918 vende (153% mbipopullim) dhe menaxhohen sa më mirë që të munden, nga vetëm 533 oficerë, kur nevojiten të paktën 811 (-34%)”, tha ai.

Sipas burimeve të Policisë së Burgut Uilpa, Taulant Toma (me moshë 41 vjeç) thuhet se po arratiset nga një burg për herë të katërt.

Herën e fundit që ai u arratis nga burgu i Parmës ishte në vitin 2013, kur ai dhe një person tjetër arritën të arratiseshin.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit