ANKONË; ITALI | NAZIF MUSLIJA (NGA MAQEDONIA E VERIUT) U SHPALL NË KËRKIM POLICOR; KONSIDEROHET DORAS NË USHTRIM DHUNE FIZIKE DHE NË VRASJEN E BASHKËSHORTES SADJIDE MUSLIJA.

Pamje nga vendi i ngjarjes kriminale

Ankonë, Itali | Strukturat vendore të Policisë së Shtetit (Polizia di Stato) morën dijeni se:

1- Znj. Sadjide Muslija, me moshë 49 vjeçe, nga Debreshi, u gjet e vdekur (e dhunuar).

Në lidhje me vdekjen e saj, u shpall në kërkim policor:

1- Z. Nazif Muslija, me moshë 50 vjeç, bashkëshorti i saj, me origjinë nga Maqedonia e Veriut.

Z. Nazif Muslija

Mes tyre ka pasur konflikte të vazhdueshme vitet e fundit.

Ajo u gjet në një shtëpi në Pianelo Valesina (Pianello Vallesina), një fshat i vogël i Monte Roberto-s, në provincën e Ankonës.

Sipas të dhënave penale paraprake ajo u rrah për vdekje nga bashkëshorti i saj.

Viktima nuk ishte paraqitur në punë këtë mëngjes, prandaj oficerët e karabinierëve nga stacioni Moie di Maiolati Spontini (Ankonë) mbërritën në shtëpinë e saj dhe e gjetën të vdekur.

Oficerët e gjetën gruan pa jetë, të shtrirë në shtrat me shenja të rrahjeve të rënda.

Magjistrati në detyrë nga Zyra e Prokurorit Publik të Ankonës, oficerët e karabinierëve nga Njësia Hetuese dhe Seksioni i Hetimeve Shkencore të Ankonës dhe Kompania Jesi, si dhe kryetari i bashkisë së Monte Roberto-s, Lorenco Fokante (Lorenzo Focante), ishin në vendngjarje.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit