ITALI | NJË ORTEK GODITI TRE ALPINISTË; NJË I VDEKUR DHE NJË I ZHDUKUR; I TRETI SHPËTOI VETË.

Sondrio, Itali | Një ortek ra në Alpet Merixho (Meriggio), në komunën e Albosaxhias (Albosaggia), në Valtellina, dhe rrëmbeu tre alpinistë skitarë.

Sipas raportimeve fillestare, njëri ka vdekur; një tjetër ka arritur të shpëtojë veten duke u ngjitur vetë nga bora; i treti është i zhdukur.

Teknikët e shpëtimit alpin dhe ushtarët e Rojes së Thesarit (Guardia di Finanza po punojnë në vendngjarje, ndërsa helikopteri “Drago” i zjarrfikësve po fluturon mbi zonë.

Kërkimet fillestare me helikopter treguan se askush nuk ishte goditur nga orteku, por situata u përkeqësua më vonë.

Shpëtimtarët janë ende duke kërkuar për një nga tre alpinistët e skive të bllokuar në ortek.

Orteku i sotëm është i dyti në zonë brenda 24 orëve.

Dje, në Alta Valle Spluga, mbi Kiavena (Chiavenna), në komunën e Madesimos, një ushtar 30-vjeçar i shpëtimit malor dhe lumor të Rojes së Financës (Guardia di Finanza) u plagos rëndë në dëborë dhe u transportua në spitalin “Papa Giovanni XIII” në Bergamo me kod të kuq.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit