IRANI: SHBA-ës NUK DUHET TË NDIKOHEN NGA IZRAELI GJATË NEGOCIATAVE QË PO ZHVILLOHEN MES NESH; UASHINGTONI DUHET TË JETË I PAVARUR NË POLITIKËN E TIJ TË JASHTME.

Teheran, Iran | Zëdhënësi i Ministrisë së Jashtme iraniane, Esmaeil Baghaei, kritikoi rolin e Izraelit në diplomacinë rajonale, duke i bërë thirrje Uashingtonit të veprojë në mënyrë të pavarur në politikën e tij të jashtme dhe të mos lejojë aktorët e jashtëm të diktojnë vendime mes bisedimeve të vazhdueshme midis Iranit dhe Shteteve të Bashkuara.

“Irani po negocion me Shtetet e Bashkuara dhe është Shtëpia e Bardhë që duhet të vendosë të veprojë në mënyrë të pavarur nga presioni i jashtëm, veçanërisht nga Izraeli, i cili, injoron interesat rajonale dhe madje edhe amerikane”.

Kështu tha zëdhënësi Baghaei në konferencën e tij javore për shtyp.

“Izraeli është një burim pasigurie dhe ka kundërshtuar çdo veprim diplomatik në rajon që mund të çojë në paqe”, tha ai.

Ai e bëri këtë vërejtje përpara vizitës së kryeministrit izraelit Benjamin Netanjahu në Shtetet e Bashkuara të Amerikës, gjatë së cilës, të dy palët pritet të diskutojnë bisedimet e vazhdueshme midis Iranit dhe ShBA-ës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit