IRAN | MINISTRI I JASHTËM ABBAS ARAGÇI (ARAGHCHI): EKZISTON NJË MUR I MADH MOSBESIMI MIDIS IRANIT DHE SHBA-ës EDHE PSE KEMI FILLUAR BISEDIME SERIOZE KONKRETE.

Teheran, Iran | “Ne jemi përpjekur seriozisht të fillojmë bisedime konkrete me Shtetet e Bashkuara të Amerikës gjatë negociatave aktuale, me kusht që pala tjetër të jetë gjithashtu serioze dhe e gatshme të marrë pjesë në bisedime që do të çojnë në rezultate”.

Kështu tha Ministri i Jashtëm iranian Abbas Aragçi (Araghchi).

Ai theksoi se pavarësisht bisedimeve në vazhdim, ekziston një mur i madh mosbesimi.

“Muri i mosbesimit është rezultat i sjelljes së Shteteve të Bashkuara në vitet e fundit, sepse Shtetet e Bashkuara sulmuan Iranin në qershor, pikërisht kur ne po zhvillonim negociata”, tha Ministri Aragçi (Araghchi) në një takim me përfaqësuesit e huaj diplomatikë në Iran.

“Shpresojmë që të ndërtohet besimi i nevojshëm për të zhvilluar negociata në një mënyrë që arrin rezultate”, tha ai.

Ai u kërkoi falje misioneve të huaja diplomatike për problemet dhe ngacmimet e shkaktuara nga lufta 12-ditore e Izraelit kundër Iranit, si dhe trazirat e fundit në vend, duke përfshirë vështirësitë që hasën në largimin nga vendi dhe ndërprerjen e internetit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit