IRAN | GJYKATA ISLAMIKE E TEHERANIT DËNOI ME 15 VJET BURG FOTOREPORTEREN JALDA MOAJERI (YALDA MOAIERY).

Uashington, Amerikë | “Një fotoreportere e shquar iraniane është dënuar me 15 vjet burg për dyshimin se ka vepruar në interes të Izraelit dhe Shteteve të Bashkuara, pasi autoritetet kontrolluan shtëpinë e saj dhe sekuestruan pajisje elektronike”.

Kështu raportoi Agjencia e Lajmeve të Aktivistëve të të Drejtave të Njeriut (HRANA), një organizatë e të drejtave të njeriut me seli në Shtetet e Bashkuara, e cituar nga enti mediatik “Cnn”.

Njoftimi vjen ndërsa organizatat e të drejtave të njeriut paralajmërojnë për një goditje në rritje ndaj medias dhe gazetarëve në Iran.

Dje, fotoreporterja e njohur që ka dokumentuar ngjarje shoqërore dhe politike në të gjithë Iranin gjatë gjithë karrierës së saj, Jalda Moajeri (Yalda Moaiery), njoftoi dënimin e saj në mediat sociale.

HRANA-ja raportoi sot se seanca dëgjimore e saj u mbajt në mungesë të saj muajin e kaluar në Gjykatën Revolucionare të Teheranit.

Ajo akuzohet për përfshirje në aktivitete që përfitojnë interesat e regjimit sionist dhe Shteteve të Bashkuara.

Ajo është përballur më parë me arrestim dhe ndjekje penale. Ajo u arrestua në Teheran gjatë protestave të vitit 2022 pas vdekjes së znjsh. Mahsa Amini dhe u ndalua, sipas Komitetit për Mbrojtjen e Gazetarëve.

Në një raport të botuar dje, Mbrojtja e Fluksit të Lirë të Informacionit, një grup i pavarur i të drejtave të njeriut që monitoron lirinë e shtypit në Iran, paralajmëroi për një periudhë jashtëzakonisht intensive presioni, veprimesh ligjore dhe sabotimi kundër gazetarisë.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit