GROZNI; ÇEÇENI | ADAM KADIROV (KADYROV) U PËRFSHI NË AKSIDENT ME MAKINË NË GROZNI (ËSHTË I BIRI I KREUT TË REPUBLIKËS SË ÇEÇENISË RAMZAN KADIROV).

Grozni, Çeçeni, Federata Ruse | “Djali 18-vjeçar i udhëheqësit çeçen, Ramzan Kadirov (Kadyrov), u përfshi në një aksident me makinë në qytetin rus të Groznit.

Sipas disa burimeve, z. Adam Kadirov (Kadyrov) është në gjendje të rëndë dhe është dërguar në spital”.

Kështu raporton enti mediatik ukrainas “Ukrainska Pravda” -  duke cituar median vendore “Kavkaz.Realii” dhe kanalin opozitar çeçen në platformën sociale “Telegram” të quajtur “Niyso”.

“Niyso” pretendon se z. Kadirov (Kadyrov) është në kujdes intensiv dhe po bëhen përgatitje për transferimin e tij në Moskë.

Ai është një nga djemtë më të njohur të kreut të Republikës së Çeçenisë Ramzan Kadirov (Kadyrov).

Në muajin tetor të vitit 2023, ai dekoroi të birin (15 vjeç), me titullin Hero i Republikës Çeçene, pasi një video u postua në internet duke treguar Adamin duke rrahur 19-vjeçaren ukrainase Mikita (Mykyta) Zhuravel në një qendër paraburgimi në Grozni për djegien e një Kurani.

Kadirov shprehu krenari për veprimet e të birit.

Që atëherë, Adam Kadirov ka marrë çmime të shumta dhe ka mbajtur disa pozicione të larta në Çeçeni.

Ai është sekretar i Këshillit të Sigurisë çeçene dhe mbikëqyr Ministrinë e Punëve të Brendshme.

Në natën e Vitit të Ri, disa media ruse dhe ukrainase raportuan se babai i tij, Ramzan Kadirov, ishte shtruar në spital në Moskë, megjithëse lajmi për dështimin e tij të dyshuar të rëndë të veshkave nuk u konfirmua kurrë zyrtarisht.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit